03 agosto 2012

Inagurohet zyra e informacionit në aeroportin "Nënë Tereza" 8/2012

Rinas, Informacioni turistik që në aeroportTIRANË 03 Gusht 2012 - 16:45-Turistët e huaj që vijnë në Shqipëri nga “porta” hyrëse e Aeroportit “Nënë Tereza” do të kenë mundësi të informohen për destinacionet turistike në vend përmes Zyrës së Informacionit Turistik.
Kjo zyrë, e përuruar sot në hollin ku pasagjerët presin bagazhet e tyre, do të ofrojë gjithë orientimin e nevojshëm në rrugëtimin e turistëve drejt Shqipërisë. Në përurimin e Zyrës së Informacionit Turistik, Ministri i Turizmit, Kulturës, Rinisë dhe Sporteve, Aldo Bumçi tha se, ajo është një zyrë moderne që plotëson të gjitha funksionet e nevojshme për turistët. “Aeroporti ‘Nënë Tereza’ është porta kryesore e Shqipërisë ku numri i turistëve ka pasur rritje nga viti në vit, ndaj ne gjykuam që duhet ta ndërmarrim këtë hap për të ngritur këtë zyrë”, tha Bumçi.
Ky projekt u bë i mundur nëpërmjet një marrëveshjeje të përbashkët midis Agjencisë Turke për Bashkëpunim dhe Zhvillim Ndërkombëtar “TIKA”, Ministrisë së Turizmit, Kulturës, Rinisë dhe Sporteve dhe Aeroportit të Tiranës. Fondi prej 60.000 Euro, për ngritjen e kësaj njësie të re u mundësua nga TIKA, në kuadër të bashkëpunimit afatgjatë që ka me MTKRS-në në fushën e turizmit dhe të trashëgimisë kulturore.
Zyra e Informacionit Turistik do të administrohet nga Zyra e Shërbimit Turistik dhe në të do të ofrohen shërbime si dhe informacione të detajuara lidhur me destinacionet turistike në vend.
I pranishëm në këtë përurim ishte edhe Ambasadori i Turqisë në Shqipëri, Hasan Asan i cili e konsideroi Zyrën për Informacionin Turistik të rëndësishme për turizmin shqiptar. “Ky është një projekt i cili ndihmon turistët të marrin broshura dhe informacione rreth vendeve turistike në Shqipëri. TIKA ka arritur në një markë në Shqipëri, duke financuar projekte të ndryshme në fusha të ndryshme”, tha Ambasadori Asan. TIKA ka bashkëpunuar me MTKRS-në në fushën e trashëgimisë kulturore në atë të sportit dhe tani edhe në turizëm. Ministri Bumçi tha se, kjo zyrë do të hapet edhe në Portin e Durrësit, një tjetër portë hyrëse e rëndësishme për Shqipërinë.
Denada Shkodrani

Nessun commento:

Posta un commento

Search

Translate