Durrës, me çadra në duar për dy pëllëmbë rërë

14 Gusht 2012

Duket tepër e vështirë për të gjetur një hapësirë boshe për të gjithë ata që duan të pushojnë në plazhet publike në Durrës. Mjafton një udhëtim në të gjitha stacionet e plazheve për të parë një situatë anormale, ku qytetarët e thjeshtë të cilët nuk kanë mundësi financiare për të paguar shezllonet ne hapesirat private, shpenzojne shume kohe për të gjetur dy pëllëmbë rërë për të vendosur cadrën e tyre.

Qytetarët shprehen të indinjuar nga kjo situate, e cila sipas tyre është një privim i të drejtave të njeriut për të pushuar në vendin e tyre, ndersa ato ankohen edhe për probleme të tjera.

Ndonëse në fillim të sezonit nga ana e policisë tatimore dhe asaj bashkiake u ndërmoren disa aksione për bllokimin e plazheve private qe operonin ne menyre të paligjshme, situata vazhdon të jetë problematike.