12 agosto 2012

Duke zbuluar Antigonene… ndodhet mbi Luginën e Drinos përballë qytetit të Gjirokastrës

ANTIGONEA ANTIGONEA Antigonea ndodhet mbi Luginën e Drinos përballë qytetit të Gjirokastrës. Si një qendër e rëndësishme ekonomike, sociale, kulturore dhe politike, Antigonea mori formën e një qytet-shteti duke qenë njëkohësisht dhe një nga vendbanimet më të rëndësishme të antikitetit në fund të shekullit të 3-të para Krishtit. Qyteti shtrihet në një kurriz të gjatë e të sheshtë të kodrës së Jermës rreth 700 metra mbi nivelin e detit, në afërsi të fshatit Saraqinishtë. Prej 6 vitesh, ajo është përfshirë ne hartat turistike te grupeve qe vijnë kryesisht nga jashtë Shqipërisë. E gjendur vetëm 21 km larg Gjirokastrës dhe me një rruge tërësisht te asfaltuar, vizita ne këtë qytet antik është interesante. Sipërfaqja e përgjithshme e qytetit është rreth 90 hektarë. Për shumë vite rrënojat këtu ishin të paidentifikuara, edhe pse qartësisht kuptohej një vendbanim i madh i lashtë. Gërmimet e para janë bërë nga arkeologu grek Demitrios në vitin 1913, por ishte arkeologu i njohur shqiptar Dhimosten Budina qe në vitet 1970 zbuloi planin e qytetit dhe gjithashtu emrin e tij. Një seri prej monedhash bronzi të gjetura gjatë këtyre gërmimeve ishin përdorur ndoshta për të votuar në asamblenë e qytetit. Ato ishin stampuar me mbishkrimin Antigonean nga ku u identifikua dhe emrin i qytetit historik për herë të parë. Mbetjet nga muret e fortifikuara, mund të shihen qysh në momentin e parë të hyrjes në park. Fragmentet e mureve deri në 3 m të gjerë, gjenden përfund kodrës së Akropolit. Kjo është “Shtëpia e karrocierit”, e quajtur kështu nga arkeologu Dhimosten Budina, pasi zbuloi një rrotë te madhe karroce që dëshmon se antigonasit lëviznin me karroca në rrugët e shtruara dhe të drejta të qytetit. Kjo është edhe një prove e qytetërimit te zhvilluar te kohës. Ne një rezidence banimi, gjen një figurë mitologjike bronzi që konsiderohet si sfinks apo sirenë dhe që sot shërben si logo dhe simbol i Antigonesë. Por nder zbulimet me interesante është banesa me një varg kolonash peristili dhe dysheme me mozaikë. Bazilika Paleokristiane dhe Mozaiku unikal shumë ngjyrësh, ka në qendër figurën e një njeriu me kokë qeni, motive gjeometrike, nga bota bimore dhe shtazore.

Nessun commento:

Posta un commento

Search

Translate