Turistët: 12 orë pa ngrënë. Sharme el Sheik, pushime ‘from hell’

TIRANE-Të lodhur e të zemëruar janë kthyer turistët shqiptarë nga Egjipti. Pushimet që duhet të ishin relaks u shndërruan në lodhje e stres.

“Nuk mund ta përshkruaj atë që kemi hequr. Në aeroport kemi shkuar në orën 10:00 paradite dhe në orën 10:00 të mbrëmjes jemi nisur. Imagjino të rrish 12 orë në aeroport ku fëmijët as hëngrën as pinë”, shprehet një prej turistëve e sapo mbërritur në atdhe. As emrin mos ja dëgjofsha më jo më të shkoj atje”.

‘Jemi shumë të lodhur e të stresuar’, thekson një tjetër.

‘U mblodhëm dhe diskutuam që të porosisnim një charter. Dhe falënderoj Bell Air që erdhi në orën dhe datën e caktuar që e kishim lënë me agjencinë tjetër”, shprehet një prej turistëve.

Sipas dikujt tjetër, problemet nisën që në ditën e mbërritjes në Sharm el Sheik.
“Na dolën pushime ‘from hell’. Kur shkuam tek hoteli hasëm problemet e para sepse kishim rezervuar tek Melia resort dhe më thanë që nuk ke rezervuar këtu dhe më çuan në resort me 3 yje, kur unë kisha paguar me 5 yjë. Pastaj mos të flasim për të tjerat mbërritja në atdhe etj”

Turistët në Egjipt, MPJ: Disa prej tyre u strehuan në ambasadën tonë 
 Turistët në Egjipt, MPJ: Disa prej tyre u strehuan në ambasadën tonëTIRANË- Ministria e Jashtme reagon pas kthimit të turistëve të bllokuar në Egjipt, të cilët u braktisën nga agjencia turistike “Pasha Holiday”, e cila shpalli falimentimin. Ministria e Jashtme deklaron se bllokimi i turistëve erdhi si pasojë e mos respektimit të kontratës nga ana e agjencisë turistike. MPJ sqaron se, “U vunë në lëvizje të gjithë mekanizmat për zgjidhjen e këtij problemi”. Sipas MPJ, në Shqipëri kanë mbërritur 182 persona nga Egjipti, ndërsa ata që nuk kanë mundur të udhëtojnë ndodhen në ambasadën shqiptare në Egjipt. (m.a/BalkanWeb)