Kontroll në vijën bregdetare, vendosen gjoba për motorët e ujit

Durrës Gusht 13,2012 - 11:06- Policia kufitare e Durrësit ka nisur zbatimin e një plani masash për të evituar mbytjen e pushuesve. Forcat e policisë kufitare detare kanë nisur kontrollet përgjatë vijës bregdetare nga grykëderdhja e lumit Shkumbin, deri në zonën e Shëngjinit. Krahas parandalimit të mbytjeve në ujë, një tjetër qëlim është edhe respektimi i normave në përdorimin e mjeteve lundruese. Policia po mbikqyr me motoskafe vijën bregdetare dhe deri tani ka gjobitur pronarët e tetë mjeteve, kryesisht motor uji, të cilët kishin mangësi në dokumentacione. Vlera në total e gjobave shkon në 150 mijë lekë dhe një pjesë e mjeteve janë bllokuar deri në likuidimin e gjobës.