Vetëm pak ditë nga hapja e sezonit turistik, Ministria e Shëndetësisë ka nisur zbatimin e planit të masave, ndër më kryesoret dizinsektimin e zonave bregdetare nga vektorët.
Ky program kryhet pas 23 vitesh dhe zbatimi i tij ka nisur me Parkun Arkeologjik dhe Liqenin e Butrintit.
Milva Ikonomi, zv/ministre e Shëndetësisë, shpjegon: “Jemi të gëzuar që nisi ky projekt pasi u desh ca kohë që të hartohej dhe të mendohej. Po përdorim teknologji që nuk dëmtojnë mjedisin.”
Ndërsa kryetari i Bashkisë së Sarandës, Stefan Cipa, thotë: “Është një investim që ka vite që nuk bëhet në Sarandë. Unë e vlerësoj
si një nga investimet më të rëndësishme që bëhet në zonat turistike.”
Grupet e specialistëve të shëndetit publik kanë inspektuar terrenin duke ngritur dhe kurthet për mushkonjat. Shefja e departamentit të sëmundjeve infektive në ISHP, Silva Bino, tha se kjo teknikë do t’i shërbejë specialistëve që të krehin të gjithë zonën me qëllim që të dezinsektohen të gjitha vatrat e mushkonjave./ Top Channel
Nessun commento:
Posta un commento