02 agosto 2014

Gjirokastër, hapet për publikun tuneli i Luftës së Ftohtë nje aktraksion i ri per turistet...


01 Gusht 2014 - 18:09
Gjirokastër, hapet për publikun tuneli i Luftës së FtohtëGJIROKASTER- Hapet për herë të parë për publikun tuneli i ndërtuar gjatë Luftës së Ftohtë në Gjirokastër. Ditën e sotme, qytetarët e Gjirokastrës, dhe jo vetëm, kanë pasur mundësi të shohin ambientet e nëndheshme të tunelit, i cili përkon të jetë ndërtuar rreth viteve 80. Mësohet se mjediset e këtij tuneli kanë qenë të palejuara për tu parë më parë nga qytetarët, i cili quhet ndryshe dhe tunel antibërthamor. 

“Ky tunel është bërë në kulim e Luftës së Ftohë, rreth viteve 80. Kur Shqipëria ishte e vetëizoluar. Paranoja për të mbrojtur nga ndonjë sulm i mundshëm, bëri që të hapej ky tunel. Në këtë tunel, mund të jetojë në një kohë shumë të gjatë dhe aty bëheshin veprime ushtarake. Tuneli është i përbërë nga 56 dhoma. Ai është i ngushtë, por hapësira jetike është normale.”-kështu shprehet për News24, Sadi Petrela, kreu i Fondacionit “Gjirokastra”. 

Mësohet se shuma e këtij tuneli mund të shkojë në shifrat e 80 milionë eurove. “Nuk ka ndonjë vlerësim të saktë, por janë rreth 80 milionë euro pothuajse flenë, ndaj kjo mund të jetë një mundësi për të tërhequr vizitorët. Interesi është shumë i madje, pasi ne e kemi testuar interesin e vizitorëve të huaj. Ne mendojmë të bëjmë punime restauruese. Pash interes të madh të shumë të rinjve, ndaj jam i sigurt që një muze i tillë, kushtuar luftës së ftohtë, është për të kuptuar se si funksiononte ajo kohë.”-shtoi Petrela. 


(ed.me/BalkanWeb)http://www.balkanweb.com/kultur%C3%AB/2691/gjirokaster-hapet-per-publikun-tuneli-i-luftes-se-ftohte-204017.html

Nessun commento:

Posta un commento

Search

Translate