Korçë, çelet ekspozita me fotografi mbi Shqipërinë Komuniste në 1975 foto nga ZHak Gajard, interesi I turistëve kryesisht të huaj ka qenë mjaft i lartë.

Në ambientet e Muzeut Kombëtar të Arsimit në qytetin e Korçës është promovuar ekspozita fotografike mbi Shqipërinë komuniste në vitet 1975 e parë kjo nga këndvështrimi i fotografit francez Zhak Gajard. Kanë qenë rreth 45 fotografi të ekspozuara për herë të parë në Shqipëri në të cilat paraqitet jeta e shqiptarëve nën regjimin diktatorial në disa qytete të ndryshme si Korça, Durrësi, Fieri, etj. 

Në fotot e fotografuara nga francezi Gajard janë fiksuar sekuenca nga jeta e përditshme e shqiptarëve me të mirat dhe të këqijat e saj duke u përpjekur në këtë mënyrë për të shmangur ideologjinë e kohës.

Ekspozita do të vijojë të qëndrojë e hapur për dy ditë rresht ndërsa prej ditës së parë interesi I turistëve kryesisht të huaj ka qenë mjaft i lartë.


Redaksia Online
(F.I/Shqiptarja.com) - See more at: http://www.shqiptarja.com/kulture/2730/korce-celet-ekspozita-me-fotografi-mbi-shqiperine-komuniste-ne-1975-235285.html#sthash.kp5JgQ0y.dpuf...