31 agosto 2014

Turizmi i aventurës, produkti që promovon natyrën shqiptare

- “Java e Aventurës në Ballkanin Perëndimor” çel siparin në Llogara -
MInistria e turizmit (1)TIRANË, 30 Gusht/ATSH/.- “Java e Aventurës në Ballkanin Perëndimor”, një aktivitet që organizohet për herë të parë në tre vende të rajonit Kosovë, Shqipëri dhe Maqedoni, çeli siparin të premten në Kompleksin Turistik Llogara.
Në këtë aktivitet, ku ishte e pranishme ministrja e Turizmit, Eglantina Gjermeni, ambasadori amerikan, Aleksandër Arvizu, etj, merrnin pjesë 18 agjenci turistike vendase, të specializuara kryesisht në turizmin e aventurës dhe 15 agjenci turistike ndërkombëtare, që mbërritën në vendin tonë, në kuadër të Javës së Aventurës.
Në fjalën e saj, ministrja Gjermeni e vuri theksin tek bukuritë natyrore të Shqipërisë, trashëgimia kulturore dhe historike dhe veçanërisht te mikpritja shqiptare, por dhe rëndësia e këtyre takimeve të biznesit për promovimin e turizmit.
Ambasadori amerikan gjithashtu vlerësoi bukuritë natyrore të Shqipërisë duke theksuar rëndësinë e turizmit në rritjen ekonomike të vendit.
Më pas, ministrja Gjermeni, ambasadori Arvizu dhe drejtoresha e Agjencisë Kombëtare të Turizmit, Julinda Dhame dhanë një konferencë për shtyp me përfaqësuesit e mediave të huaja si “Outside Magazine”, “Yahoo Travel”, “Adventure Travel News”, etj.MInistria e turizmit (4)
Ministrja Gjermeni theksoi rëndësinë e bashkëpunimit mes sektorit publik dhe atij privat për zhvillimin e turizmit, vendosjen e standardeve në fushën e turizmit, zgjatjen e sezonit turistik përgjatë vitit dhe bashkëpunimin me vendet e rajonit, përmes paketave të përbashkëta turistike.
Në vëmendjen e Ministrisë së Zhvillimit Urban dhe Turizmit është edhe turizmi i aventurës, një produkt i rëndësishëm në promovimin e bukurive natyrore të Shqipërisë.
“Java e Aventurës” në Shqipëri organizohet për herë të parë nga Agjencia Kombëtare e Turizmit në bashkëpunim me Programin Rajonal të USAID-it dhe Shoqatën e Udhëtimit të Aventurës dhe Tregtisë ATTA, një shoqatë e njohur për eksperiencën e gjërë në udhëtimin e aventurës me më shumë se 900 anëtarë në 80 vende të botës.
“Java e Aventurës në Ballkanin Perëndimor”, ishte një aktivitet i shtrirë përgjatë 9 ditëve në Kosovë, Shqipëri dhe do të përmbyllet në Maqedoni. /a.s//m.m/http://www.ata.gov.al/turizmi-i-aventures-produkti-qe-promovon-natyren-shqiptare-160141.html

Nessun commento:

Posta un commento

Search

Translate