![Parku kombetar i shebenik Jabllanice Foto Miranda Sadiku](http://www.ata.gov.al/te-ngarkuara/Parku-kombetar-i-shebenik-Jabllanice-Foto-Miranda-Sadiku1-527x350.jpg)
LIBRAZHD, 5 gusht /ATSH- Miranda Sadiku/- Parku Kombëtar Shebenik-Jabllanicë është bërë mikpritësi i dhjetëra vizitorëve, të cilët kremtuan festën e komunës Lunik. Për të promovuar turizmin malor banorët e komunave të ndryshme në rrethin e Librazhdit organizojnë festa në natyrë, ku përveç bukurive të natyrës shfaqen edhe vlerat kulturore dhe artistike të zonës.
![Parku kombetar i shebenik Jabllanice Foto Miranda Sadiku (1)](http://www.ata.gov.al/te-ngarkuara/Parku-kombetar-i-shebenik-Jabllanice-Foto-Miranda-Sadiku-1-525x350.jpg)
Festa e komunes Lunik ka nisur rrugëtimin e saj në vitin 2008 dhe ajo kremtohet në zemër të Parkut Kombëtar Shebenik – Jabllanicë, mes masive pyjore të ahut, në vendin e quantur Fusha e Letmit.
![parku-kombetar-shebenik---Jabllanice-1](http://www.ata.gov.al/te-ngarkuara/parku-kombetar-shebenik-Jabllanice-1.jpg)
![parku-kombetar-shebenik---Jabllanice](http://www.ata.gov.al/te-ngarkuara/parku-kombetar-shebenik-Jabllanice.jpg)
Kryetari i komunës, Astrit Xhafa, shprehet se “këto bukuri natyrore janë të pamundura për t’u vizituar për shkak të infrastrukturës së papershtashme”.
I pranishëm në festën e komunës Lunik ishte edhe deputeti i PS, Taulant Balla, i cili tha se “do të shihet mundësia për të investuar në këto zona, në mënyrë që ato të bëhen të vizitueshme për të gjithë”. Parku Kombëtar Shebenik-Jabllanicë ka një sipërfaqe prej rreth 34 mije hektarë dhe është shtëpia e mjaft gjallesave të rralla. Ai ofron një bukuri të mahnitshme edhe me 14 liqenet e tij. /a.ke/
Nessun commento:
Posta un commento