21 settembre 2012

Restaurimi i Muzeut të Pavarësisë, përfundon në mes të tetorit

më 21 Shtator 2012

Punimet për rikonstruksionin e Muzeut të Pavarësisë Kombëtare në Vlorë do të përfundojnë në mes të muajit tetor. Lajmi bëhet me dije nga drejtori i këtij muzeu, Agron Shehu. Ai pohon se punimet e nisura prej disa kohësh kanë përfshirë meremetimin e mureve të jashtëm dhe pajisjen me pllaka të trotuareve të jashtëm të godinës. Gjithashtu, po punohet edhe për restaurimin e pjesëve të drurit në brendësi të ndërtesës së muzeut, lyerjen e tyre pa shkëlqim, të ngjashëm me atë të periudhës kur është ndërtuar kjo godinë. Sipas Shehut, po punohet për ndërtimin e skeletit të ballkonit, i cili është edhe vendi simbol i daljes pas aktit të firmosjes së Pavarësisë. Ndërkohë, drejtori i Muzeut Kombëtar të Pavarësisë shprehet se në mesin e muajit tetor gjithçka do të jetë e përfunduar, dhe se muzeu do të çelë dyert për të pritur vizitorët në vigjilje të kremtimit të 100 vjetorit të shpalljes së Pavarësisë.
(e.m/GSH/BalkanWeb)

Nessun commento:

Posta un commento

Search

Translate