10-16/2012 shtator në Llogara po zhvillohet Kampi Rinor i Paqes nga departamenti i këshillit të Europës.

 10 September 2012.

Llogaraja , ‘mësymet’ nga të rinj nga e gjithë Evropa

Në kuadër të kryesisë së Presidencës së radhës të Këshillit të Evropës nga Shqipëria, Ministria e Turizmit, Kulturës, Rinisë dhe Sporteve, në bashkëpunim me Departamentin e Rinisë së Këshillit të Evropës organizon   Kampin Rinor të Paqes, nga data 10- 16 Shtator 2012 në Shqipëri, ne Parkun Kombëtar të Llogarasë. Në këtë kamp rinor do të marrin pjesë me dhjetëra të rinj nga vende të ndryshme të Rajonit. Qëllimi i këtij aktiviteti është nxitja e dialogut rinor dhe bashkëpunimit, në mbështetje të paqes, tolerancës dhe mirëkuptimit, si vlera universale të njerëzimit. Ky aktivitet i organizuar nga MTKRS në bashkëpunim me Departamentin e Rinisë së Këshillit të Evropës është një ndër ngjarjet më të rëndësishme për të rinjtë shqiptarë, në programin e  festimeve dhe aktiviteteve që po mbahen për 100- Vjetorin e Pavarësisë. Shqipëria si një vend model për kontributin e pazëvendësueshëm për paqen dhe stabilitetin në rajon , vend i bashkëjetesës dhe tolerancës fetare, përcjell një eksperiencë të jashtëzakonshme për të rinjtë e këtij Kampi të Paqes. Gjatë ditëve të Kampingut do të organizohen programe të ndryshme me karakter edukues, informues, bashkëpunues, vizita në objekte kulti si Xhamia e Ethem Beut. Aktiviteti synon të përcjellë pikërisht frymën e shpirtit rinor, afrimit të të rinjve me njëri- tjetrin, zgjerimin e rrjeteve të bashkëpunimit, rrëzimin e mureve dhe tabuve ballkanike, dashurinë për lirinë, guximin për reforma dhe për një të ardhme evropiane të rajonit tonë .  http://infokult.al/events.php?id=897