Divjaka, harmonizimi i diellit, rërës, detit dhe pyllit Divjaka, harmonizimi i diellit, rërës, detit dhe pyllit Plazh, soditje, peshkim dhe kite-surf
Written by Flora Xhemani
on Monday, 03 September 2012.
Në
një reliev të mahnitshëm ku harmonizohen bukur, dielli, rëra, deti,
pylli, klima e detaje të tjera të mrekullueshme të listës së gjatë që do
të dëshironte me gjithë zemër një turist i huaj apo vendas. Divjaka si
destinacion turistik ndodhet rreth 25 km larg Lushnjes, pikërisht në
pjesën veriore të saj. Nëse jeni duke udhëtuar përgjatë itinerarit
veri-jug, ju duhet të ktheni për në Divjakë, në kthesën e
rrethrrumbullakut të Rrogozhinës, 25 km para se të shkoni në Lushnje.
Ajo
që ju ofron Divjaka, është qetësi dhe komoditet, ushqim natyral e i
shëndetshëm e mbi të gjitha pushime shumë të përshtatshme për
familjarë. Gjithashtu do të shijoni një nga parqet kombëtare më të
mëdha të Shqipërisë, me pisha 80-vjeçare, që shtrihet në sipërfaqen prej
rreth 5000 ha, brënda së cilës galon një faunë e pasur dhe laguna më e
madhe në vend, ku mund të vizitoni pelikanin kaçurrel, i vetmi i këtij
lloji në Europë. Divjaka është një qytezë interesante me objekte të
reja, ose të rikonstruktuara, me rrugë të asfaltuara, të gjelbëruara,
dhe të ndriçuara që të japin përshtypje sikur je në një qytet të madh
dhe jo në qytezën që dikur ka qenë fshat . Vija bregdetare e plazhit
është rreth 23 km të gjatë dhe gjerësi 80-90 m. Divjaka është një plazh
masiv që frekuentohet nga e gjithë zona e Myzeqesë dhe pjesa tjetër e
Shqipërisë. E gjithë infrastruktura e ngritur, është përpjekur të
respektojë ambientin duke mos prekur florën dhe faunën e pasur të pyllit
të larmishëm. Për sa i përket shërbimeve turistike hoteliere, në
Divjakë do të gjeni hotele mikpritës dhe restorante me kuzhinë të
shijshme shqiptare. Para se të hyni në pyllin e pafund, ju pret një
hotel i standarteve bashkëkohore. Në brendësi të pyllit, ju presin
hotele të vegjël e të shumtë, restorante të fshehur mes pishave e buzë
detit, e sigurisht struktura më masive e pushimeve, që ndodhet në qendër
të Parkut Kombëtar. Të gjitha restorantet e pyllit të Divjakës ju
ofrojnë pa dyshim kuzhinën e pasur të detit e të lagunës, ku dominon
peshku dhe ngjala, duke mos lënë pas edhe mishin e viçit dhe zogjtë e
shumtë. Vera e përgatitur në mënyrë artizanale dhe jo industriale, do të
shoqërojë pjatat e shijshme të kuzhinës popullore, duke mos lënë pas
garniturat e shumta me perimet e freskëta të stinës. Por edhe kuzhinën
internacionale ku dominon ajo italiane dhe greke mund ta shijoni në
Divjakë. Për të plotësuar të gjitha shijet, pjatat e shumta të këtyre
kuzhinave janë padyshim të pranishme në menu. Sigurisht për ata që kanë
sadopak informacion për Divjakën, është shumë i njohur restoranti më
popullor jo vetëm i asaj zone, Ali Kali. Ju këshillojmë të mos largoheni
nga Divjaka pa kthyer njëherë atje. Do të largoheni me mbresa.
Gjithashtu në hyrje të pyllit të Divjakës ndodhet edhe një restorant i
vogël, mjaft i këndshëm që quhet Te Oxhaku dhe që ju ofron pa diskutim
produkte natyrale, të frekësta, kafshë dhe shpendë të egër, zogj fshati
dhe gatime tradicionale kryesisht në furrë dhe në zgarë. Pijet e bëra
vetë ( verë dhe raki) ia shtojnë më shumë shijen ushqimit natyral që do
të konsumoni.
http://www.albaniantravel.info/AlbanianTravel/destinacione/item/divjaka-harmonizimi-i-diellit-reres-detit-dhe-pyllit
Pa dyshim e tere Divjaka eshte e bukur,perfshire bregdetin,pyllin e virgjer dhe lokalet modeste sidomos restorant " Ben RRudha" Ju sugjeroj te shkoni sa me pare atje.Ka sherbim,ambjent dhe ushqim te mrekullueshem.
RispondiElimina