![tirana-albania](http://www.ata.gov.al/te-ngarkuara/tirana-albania-288x350.jpg)
I hedhur në treg nga Morellini Editore, udhërrëfyesi gjendet në libraritë kryesore të Italisë, por mund të blihet edhe online, në portalet e shitjes së librave.
Ai është punim i dy autorëve, antropologut italian Francesco Vietti dhe e gazetarit shqiptar, drejtor i Qendrës së Kulturës Shqiptare në Torino, Benko Gjata. Përmban mbi 180 faqe me informacione për historinë, kulturën, gjeografinë dhe klimën e Shqipërisë e mbi të gjitha përshkrime të detajuara të itinerareve dhe destinacioneve kryesore turistike, si edhe shumë të dhëna praktike, të dobishme për vizitorët.
“Guida është fryt i bashkëpunimit mes meje dhe antropologut Francesco Vietti. Të dy kemi punuar gjatë në fushën e turizmit këto vitet e fundit, në kuadër të disa projekteve, në Itali dhe Shqipëri. – tregon Benko Gjata, duke shtuar se gjatë kësaj periudhe kemi vënë re një rritje të rëndësishme, cilësore dhe sasiore, të ofertës turistike shqiptare, që përkon me rritjen e numrit te vizitorëve të huaj. Ndër këta të fundit, italianët përbëjnë një prej grupeve kryesore, falë afërsisë gjeografike dhe vëllimit të lartë të marrëdhënieve mes dy vendeve tona.![guida tirana e albania 3-81345778d2](http://www.ata.gov.al/te-ngarkuara/guida-tirana-e-albania-3-81345778d2-568x350.jpg)
![guida tirana e albania 3-81345778d2](http://www.ata.gov.al/te-ngarkuara/guida-tirana-e-albania-3-81345778d2-568x350.jpg)
“Pavarësisht kësaj, në Itali nuk kishte ende një udhërrëfyes të mirëfilltë turistik të përditësuar, të realizuar enkas për lexuesin italian. Botimi i fundit i këtij lloji i përkiste vitit 1940, pra periudhës së pushtimit italian të Shqipërisë! Në këtë kontekst lindi ideja e realizimit të një guide të posaçme kushtuar vendit tonë”, shprehet ai./a.gegvataj/http://www.ata.gov.al/tirana-e-albania-udherrefyesi-me-i-ri-per-turistet-ne-librarite-italiane-146541.html
Nessun commento:
Posta un commento