03 gennaio 2014

Tropojë/ Valbona, turizmi malor që për ç’do ditë ofron vizitorë

0301-VOLBONE-1TROPOJË,  3 Janar/ATSH-R.Hoxha/- Pika turistike  e Valbonës, me bukurinë saj të rrallë dhe jetesën origjinale të komunitetit të kësaj zone, është kthyer së fundmi në një oaz mjaft të kërkuar për turistët shumtë, të pranishëm thuajse për ç’do ditë, edhe në ditë festash.
“Natën e ndërrimit të viteve kanë kaluar këtu 35 turistë nga Gjermania dhe Çekia. Këto turistë janë larguar me 2 janar, ndërsa kanë ardhur 40 turistë të tjerë nga vende të ndryshme të Evropës”,- thotë për ATSH-në kryetari i komunës së Margegajt, Rexh Biberaj.
Prania e turistëve të huaj në Pikën Turistike të Valbonës, nga viti në vit ka ardhur në rritje. Këtë vit, Valbona, fshati i vogël me rreth 300 banorë, në lartësinë e mbi 800 metrave mbi nivelin e detit, e ka pritur Vitin e Ri pa dëborë, gjë që nuk ka ndodhur thuajse asnjë vit tjetër më parë”,- thonë banorët e fshatit të vogël verilindor.
Moti i mirë i këtyre ditëve ka ndikuar në afrimin e një numri të konsiderueshëm vizitorësh nga Kosova. “Gjatë festave të fundvitit, kanë qenë të pranishëm në Pikën Turistike të Valbonës mbi 120 vizitorë ditorë turistë nga Kosova”,- tregon Biberaj.
Gjatë vitit 2012, Valbona priti 28 mijë vizitorë, ndërsa gjatë vitit 2013, numri i vizitorëve në Valbonë shënoi mbi 40 mijë të tillë./m.sh/

Nessun commento:

Posta un commento

Search

Translate