Turizmi kulturor, shtohen destinacionet historike

Tiranë  Korrik 07,2012 - 17:51- Operatorët turistik shqiptar kanë shtuar listën e destinacioneve turistike në fushën e trashëgimisë kulturore. Kryetari i Unionit të Operatorëve Turistik, Sadik Malaj, shpjegon se për shkak të disa përmirësimeve në infrastrukturë, në guidat e turistëve të huaj janë shtuar parqe arkeologjike si Bylisi dhe Antigonea, por edhe disa objekte të kultit.

Prej disa vitesh, numri më i madh i turistëve të huaj që vizitojnë Shqipërinë i takon vendeve gjermanisht-folëse, të ndjekur nga ata të Europës Qendrore, por sipas Malaj, vendet aziatike që kanë nivel të lartë jetese, do të kryesojnë listën.

Turistët e këtyre vendeve janë të interesuar kryesisht për vendet historike dhe arkeologjike, duke lënë në plan të dytë bregdetin. Dy vitet e fundit në disa zona të Shqipërisë është zgjuar edhe agroturizimi.http://news.albanianscreen.tv/pages/news_detail/41967#Xchiu