Udhëtime shtegtimi dhe zbulimi përmes natyrës së bukur shqiptare

Udhëtime shtegtimi dhe zbulimi përmes natyrës së bukur shqiptare

http://www.albkultur.com/index.php?option=com_content&view=article&id=74%3Audhetime-shtegtimi-dhe-zbulimi-permes-natyres-se-bukur-shqiptare&catid=41%3Apaketa-turistike&Itemid=70&lang=sq

Bazuar në potencialet e saj natyrore Shqipëria ofron mundësi shumë të mira për organizim e udhëtimeve shtegtuese dhe zbulimore. Shumë prej këtyre udhëtimeve mund të organizohen edhe në kombinim me vendet fqinje, Kosovën, Malin e Zi, Maqedoninë dhe Greqinë. Ndër to po ofrojmë dy itinerare si më poshtë:

• Koha e udhëtimit: Prill – Shtator, në bazë të kërkesave të klientëve
• Gjatësia e itinerarit me autobus: 850 km
• Numri i pjesëmarrësve: Minimum 8 Persona. Maksimumi 16 Persona

Harta e itinerarit

Itinerar 1: Veriu i Shqipërisë, Mali i Zi dhe Kosova

Dita 1: Tiranë – Shkodër

Pas mbërritjes në Rinas udhëtohet drejt Lezhës dhe Shkodrës. Në varësi të kohës në dispozicion vizita e parë do të ishte zona natyrore Ishul Lezhë – Kune-Vaini – Shëngjin. Eshte nje zone shume e pasur natyrore me ekositeme te ndryshme lagunore dhe detare, në të cilat rritet edhe një botë e pasur shtazore (zogj, lepuj, fazanë) dhe lloje të ndryshme peshqish. Nga Shëngjini kthehemi në Lezhë dhe vazhdojmë drejt Shkodrës, ku në hyrje të qytetit merret rruga djathtas për në kalanë e Rozafës. Më pas udhëtojmë në qytetin e sotëm të Shkodrës dhe pasi të njihemi me pjesët më karatreristike të qytetit, rehatohemi në hotel Europa, në qendër të qytetit.

Dita 2: Në Alpet Shqiptare

Nisja nga Shkodra drejt Koplikut dhe nga këtu marrim rrugën djathtas përgjatë Përroit të Thatë drejt Razmes. Razma është një nga qendrat më të rëndësishme natyrore dhe klimaterike të Veriut të Shqipërisë. Pas Razmës destinacioni ynë do të jetë Thethi. Në Theth do të qëndrojmë 2 netë në një shtëpi karakteristike e organizuar në formën e një hani mes gjelbërimit, thellësisë së maleve dhe ushqimit bio.

Dita 3: Stegtim në gjirin e natyrës së bukur të Alpeve Shqiptare

E gjithë dita do ti kushtohet shtegtimit për në vendet më të bukura të Thethit, si drejt ujvarës, kanionit, burimit të kaltër etj.

Dita 4: Udhëtim në bukuritë e Malit të Zi

Pas kthimit në Koplik, rruga jonë do të vazhdojë drejt Potgoricës, kryeqytetit të Malit të Zi dhe pasi të kemi vizituar objektet më të rëndësihme të qytetit do të vazhdojmë rrugën drejt Kolashinit. Mes bukurisë së veçantë natyrore të Kolashinit ne do të kalojmë natën në njërin nga hotelet më të mira të qytetit.

Dita 5: Kosova

Pak kilometra pasi kemi lënë Kolashinin do të vizitojmë parkun kombëtar Biogradska Gora, njërin nga më të bukurit të gjithë rajonit. Më tej udhëtimi do të vazhdojë përmes bukurive natyrore të Rozhajës për të mbërritur në qytetin e Pejës në Kosovë. Nga Peja udhëtimi do të vazhdojë drejt qytetit të Prizrenit, në të cilin do të vizitohen objektet më të rëndësishme historike dhe kulturore të këtij qyteti. Mbrëmja dhe nata në Prizren ofrojnë një atmosferë shumë të këndëshme.

Dita 6: Rikthim në Alpet Shqiptare

Pas largimit nga Prizreni dhe vizitës së Pazarit të Vjetër (Çarshisë) së Gjakovës futemi në Shqipëri përmes qafës së Morinës dhe mbërrijmë në qytetin e Bajram Currit. Më tej udhëtojmë përgjatë luginës së Valbonës, ku do të shijoni bukuri të rralla të natyrës alpine shqiptare. Në mbrëmje kthemi dhe kalojmë natën në hotel Vllazërimi në qendër të qytetit të Bajram Currit.

Dita 7: Stegtim përgjatë luginës së Valbonës

Kjo ditë do ti kushtohet e tëra shtegtimeve në drejt bukurive natyrore të luginës së Valbonës. Janë disa itinerare shtegtimi që mund të realizohen, si: ngjitja drejt liqeneve akullnajore; drejt Ujvarës dhe burimit të Qafë Valbonës; ngjitje në male etj. Në mbrëmje kthemi dhe kalojmë natën në hotel Vllazërimi në qendër të qytetit të Bajram Currit.

Dita 8: Nga Alpet përmes luginës së Drinit drejt Krujës dhe Tiranës

Kjo ditë fillon herët me udhëtimin piktoresk me target nga Fierza për në Koman. Më tej udhëtimi ynë vazhdon me autobus drejt Lezhës dhe Krujës. Kruja përbën qendrën e kristalizimit të qëndresës shqiptare nën udhëheqen e Shendërbeut kundër pushtuesve osmanë në shekullin e XV. Objekt vizitash do të jenë Pazari i Vjetër i qytetit, Muzeu Kombëtar i Skënderbeut dhe Muzeu Etnografik. Pas Krujës udhëtojmë drejt Tiranës dhe para se të rehatohemi në hotel bëjmë një udhëtim me autobus për të parë objektet më të rëndësishme të qytetit. Ndërsa pas darkës një shëtitje në Bllok, në të cilin deri në vitin 1991 jetonin udhëheqësit më të rëndësishëm të sistemit komunist, ndësa sot gumëzhin nga zhrma e të rinjve, muzika dhe lokalet lluksoze.

Dita 9: Largimi nga Shqipëria

Udhëtimi për në aeroport dhe largimi nga Shqipëria, me sigurinë se do të shihemi përsëri!

Çmimi për person 730 Euro ( për dhoma teke + 190 euro). Në çmim përfshihen:

• Kostot e organizimit dhe shoqërimit të udhëtimit
• 8 netë fjetje me mëngjes
• Dhoma dyshe me ËC dhe dush
• Udhëtimi me autobus në dispozicion për të gjitha ditët e udhëtimit
• 8 dreka ose darka në restorante tradicionale
• Udhëtimi me traget Fierzë-Koman