14-05-2012
Rreth
200 punonjës të AMC u angazhuan këtë të shtunë në pastrimin e një pjese
të konsiderueshme të plazhit të Spillesë. Punonjësit, të cilëve iu
bashkuan edhe pushues dhe banorë të komunitetit, realizuan pastrimin nga
mbeturinat të mbi një kilometri plazh, në zonën më të frekuentuar.
Kjo
nismë e punonjësve të AMC i paraprin sezonit të pushimeve dhe përbën
një kontribut në përmirësimin e ambienteve të përbashkëta. Ky aktivitet
synon edhe të ndërgjegjësojë qytetarët dhe aktorët e tjerë në kujdesin
ndaj mjedisit, përmes dhënies së shembullit konkret.
Ky është
viti i tretë që punonjësit e AMC angazhohen për të pastruar zona
mjedisore që tërheqin pushues dhe vizitorë të shumtë. Në kuadrin e AMC
Green, që përfshin angazhimin e saj ndaj mjedisit, AMC ka ndërmarrë
nisma të tilla edhe në Gjirin e Lalëzit, Parkun Kombëtar të Dajtit dhe
në plazhin e Shëngjinit.
Nessun commento:
Posta un commento