01 maggio 2012

Udhëtime shtegtimi dhe zbulimi përmes natyrës së bukur shqiptare


http://www.albkultur.com/index.php?option=com_content&view=article&id=74%3Audhetime-shtegtimi-dhe-zbulimi-permes-natyres-se-bukur-shqiptare&catid=41%3Apaketa-turistike&Itemid=70&lang=sq

Itinerari 2: Juglindja e Shqipërisë, Maqedonia dhe Greqia
Dita 1: Tiranë – Elbasan
Pritja e turistëve dhe nisja udhëtimi drejt Elbasanit. Udhëtimi do të kalojë përmes një peizazhi të veçantë natyror, siç janë kodrat e Kërrabës. Gjate rrugës do të ketë disa ndalesa për të shpjeguar veçoritë natyrore të kësaj zone, siç janë: relievi, bimesia, erozioni etj. Në Elbasan do të vizitohen objekte të rëndësishme historike dhe kulturore, si: Kalaja e Elbasanit, Muzeu Etnografik i Elbasanit, kishat dhe xhamija e kalasë etj.
Dita 2: Ohër – Maqedoni
Nga Elbasani udhëtimi do të vazhdojë përgjatë luginës së Shkumbinit drejt pikës kufitare të Qafë Thanës për të kaluar në Maqedoni. Pas një ndalimi të shkurtër në burimet e Drinit të Zi në Strugë rruga vazhdon drejt qytetit të Ohrit. Në qytetin e Ohrit kemi mundësinë që të vizitojmë objekte të shumta, si: kisha, objekte arkeologjike, kalanë dhe pjesët e vjetra të qytetit etj. Mes një atmosphere shumë të këndëshme do të kalojmë mbrëmjen dhe natën në njërin nga hotelet më të mira të qytetit.
Dita 3: Parku Kombëtar i Galiçicës, Prespa dhe Korça
Udhëtimi fillon pergjatë krahut lindor të liqenit të Ohrit për tu ngjitur drejt qafës së Galiçicës. Nga kjo qafë do të merrni një pamje magjepse për gjithë peizazhin përrreth, ku ka një ndërthurje fantastike midis liqenit, malit dhe gjelbërimit. E gjithë kjo shikohet nga një lartësi rreth 2000 m. Më tej udhëtimi zbret përgjate Parkut Natyror të Galiçicës drejt liqenit të Prespës dhe më tej përmes Parkut Natyror të Prespës, duke u ndodhur kështu përsëri në Shqipëri. Ne darkë vonë arrihet në hotelin Grand të qytetit të Korçës.
Dita 4: Korça dhe Voskopoja
Pas vizitave në Korcë të Muzeut Mesjetar të Artit, Pazarit të Vjetër dhe godisë së shkollës së parë shqiptare, udhëtojmë drejt Voskopojës. Voskopoja ndodhet rreth 18 km në perëndim të qytetit të Korçës. Ndonëse sot një fshat i vogël, Voskopoja ka qenë një nga qytetet kryesore të Shqipërisë deri në vitet e fundit të shekullit të 19. Historia dhe rënia e një qyteti të tillë është shumë interesante për gjithë ata që vizitojnë Voskopojën dhe disa kisha që i kanë mbijetuar kohës. Hoteli ynë me emrin Akademia, ndodhet në një peizazh shumë të bukur në mes të natyrës.
Dita 5: Parku Kombëtar i Dardhës
Nga Voskopoja kthehemi për në qytetin e Korçës dhe marrim rrugën drejt Dardhës. Pas rreth 30 minuta udhëtim në një rrugë malore, por shumë piktoreske, arrijmë në fshatin e Dardhë. Dardha ështe Park Kombëtar dhe njëra nga zonat me të njohura të Korçës, si për natyrën e bukur, ashtu edhe për shtëpitë karakteristike dhe ushqimin tradicional. Pas drekimit në njërin nga lokalet e fshatit në kushte familjare, ekziston mundësia e shtegtimit në drejtime të ndryshme të natyrës. Mbrëmja dhe nata në Dardhë do jetë shumë e këndëshme dhe romantike.
Dita 6: Përmes maleve të Leskovikut drejt konicës dhe kthimi në Përmet
Nga Dardha kthehemi në rrugën nacionale Korçë-Ersekë dhe vazhdojmë udhëtimin drejt Ersekës dhe Leskovikut. Edhe ky udhëtim kalon përmes një peizazhi natyror shumë piktores me thyrje të shumta të relievit dhe gjelbërimit. Pas Leskovikut rruga zbret drejt Çarshovës dhe nga aty marrim majtas në pikën e kalimin kufitar me Greqinë te Tre Urat. Më tej udhëtimi ynë do ti përkushtohet zonës së bukur natyrore të Konicëc dhe Maleve të Pindit. Pas Konicës kthemi përsëri drejt Shqipërisë dhe vazhdojmë udhëtimin përgjatë luginës së bukur të Vjosës për në qytetin e Përmetit.
Dita 7: Nga lugina e Vjosës përmes Mallakastrës e Myzeqesë drejt Durrësit
Pas mëngjezit në taracën e hotelit në një atmosferë shumë tërheqese, vazhdojmë më tej udhëtimin e nisur një ditë më parë përgjatë luginës së Vjosës. Në grykën e Kelcyrës ndalemi në burimet e Ujit të Zi, ku haset një një bukuri e rrallë natyrore. Më tej udhëtimi vazhdon përgjat një lugine të ngushtë, deri në bashkimin e Vjosës me Drinosin afër qytetit të Tepelenës. Nga aty vazhdohet përgjatë rrugës Tepelenë-Fier dhe afër Ballshit mund të devijojmë për të vizituar një nga qendrat më interesante arkeologjike të Shqipërisë, siç është Bylisi. Pas kësaj kthehemi përsëri në rrugën nacionale dhe vazhdojmë drejt Fierit dhe gjithë Myzeqesë për në Durrës.
Dita 8: Largimi nga Shqipëria
Në varësi të kohës në dispozicion, mëngjezin e kësaj dite mund ta fillojmë me vizitën e disa nga objekteve më të rëndësishme të qytetit të Durrësit (Amfiteatrin, Muzeun Arkeologjik etj). Më pas udhëtohet drejt aeroportit për tu larguar nga Shqipëria.
Çmimi për person 700 Euro ( për dhoma teke + 150 euro). Në çmim përfshihen:
  • Kostot e organizimit dhe shoqërimit të udhëtimit
  • 7 netë fjetje me mëngjes
  • Dhoma dyshe me WC dhe dush
  • Udhëtimi me autobus në dispozicion për të gjitha ditët e udhëtimit
  • 7 dreka ose darka në restorante tradicionale

Nessun commento:

Posta un commento

Search

Translate