Shkodër: nis festivali i 50-të mbarëkombëtar i këngës për fëmijë

SHKODËR 5/7/2012- Ne qytetin e Shkodrës nisi mbrëmjen e së mërkurës Festivali i 50-të Mbarëkombëtar i Këngës për Femijë, një aktivitet që do të shoqërojë qytetin verior për tre ditë me radhë. Për herë të parë në historinë 50- vjeçare, organizatorët menduan ta zhvendosin atë nga salla e teatrit "Migjeni", ku tradicionalisht ka zhvilluar konkurimet e tij, në mjediset e hapura të rrugës pedonale të qëndrës së qytetit.
Dy prezantuesit e festivalit, këngëtarja Rosela Gjylbegu dhe aktori, Julian Deda, kanë bërë hapjen në një skenë gjigande të improvizuar në qëndër të pedonales së qytetit.

Ne skene interpretuan femije nga Divjaka, Prishtina, Mali Zi, Shkodra, Fieri, Kukësi, Berati, Durrësi, Fushë Kruja etj, gjithsej, 24 këngë.
Festivali i 50-te Mbarëkombëtar i Këngës për Fëmijë organizohet nga Bashkia e Shkodrës, Qëndra e Kulturës së fëmijëve, Shoqata Shpirti Artistik i Shkodrës, RTV Shqiptar, me mbështetjen e MTKRS, Ministrisë së Arsimit dhe Shkences, Drejtorisë rajonale Arsimore të Shkodrës, nën kujdesin e Zonjës Jozefina Topalli, Kryetare e Kuvendit të Shqipërisë.
(e.m/BalkanWeb)http://www.balkanweb.com/kultur%C3%AB/2691/shkoder-nis-festivali-i-50-te-mbarekombetar-i-kenges-per-femije-94969.html