Vlorë - Gjendja higjieno-sanitare në baret dhe restorantet e Vlorës është problematike dhe rrezikon shëndetin e konsumatorëve. Mënyra e mbajtjes së ushqimeve, mungesa e fletëanalizave apo çertifikatave shoqëruese të produkteve shtazore, mungesa e kontrollit shëndetësor, të personelit dhe analizave e ujit që konsumohet janë problemet që nuk po gjejnë zgjidhje në subjektet e shërbimit në qytetin turistik. Mungesa e bashkëpunimit ndërmjet institucioneve të kontrollit dhe ndërgjegjësimit të administratorëve të këtyre subjekteve, janë shkaktarët kryesorë të mosndryshimit në vite të kushteve higjieno-sanitare ne restorantet e bregdetit."Ka dhe disa problematika të tjera të cilat ata i lënë jashtë vëmendjes, por janë shumë të rëndëishme për ne, sidomos në mënyrën e mbajtjes së ushqimeve, apo çka është më e rëndësishme, është që personeli që ushtron veprimtari në këtë subjekte është pa libreza shëndetësore. Një nga problematikat e tjera që ne kemi treguar vëmendje shumë të madhe ëshë shoqërimi i të gjitha produkteve që ato tregtojnë me fletëanaliza apo me çertifikata",-thotë Sajmir Haxhiu, Drejtor i AKU në Vlorë. Rritja e numrit të pushuesve gjatë sezonit veror në qytetin e Vlorës bën që edhe konsumi i produkteve ushqimore të shtohet. Për sa kohë Drejtoria e Shëndetit Publik, ajo tatimore, Autoriteti i Ushqimit dhe bashkia nuk bashkëpunojnë me njëra-tjetrën, por dhe zëri i konsumatorëve nuk do të ndihet askund, administratorët e subjekteve të shërbimit do të vazhdojnë të abuzojnë me cilësinë e ushqimit në Vlorë, edhe duke rrezikuar shëndetin e konsumatorëve.
Festim Llanaj
| ||
Nessun commento:
Posta un commento