BE, projekt për zhvillimin e turizmit në Dardhë të Korçës

Delegacioni i Bashkimit Evropian po promovon nëpërmjet një projekti turizmin në fshatin e Dardhës në Korçë dhe në tre fshatra në Maqedoni. Këto fshatra janë përzgjedhur për karakteristikat e tyre të përbashkëta. Janë të gjitha fshatra malore, me lartësi mbi 1000 metra mbi nivelin e detit, kanë potencial për forma të ndryshme të turizmit alternativ. Gjithashtu, fshatrat e përzgjedhur në këtë paketë turistike janë të kërcënuar nga braktisja për shkak të të ardhurave të pakta financiare të banorëve.