Pogradec, në prill/2014 pritet të aktivizohet linja e re ujore Ohër-Pogradec

Nga Ledjona Xheladinaj

28 Mars 2014 - 15:42

POGRADEC- Prej 14 prillit në liqenin e Ohrit në Pogradec do të aktivizohet linja ujore Ohër-Strugë -Pogradec.

Lajmi bëhet i ditur nga zyra e Transportit në bashkinë e qytetit liqenor, sipas së cilës pas më shumë 6 vitesh i lënë në harresë kjo linjë ujore, tashmë do të vihet serish në funksion.

Aktualisht Bashkia e Pogradecit është duke përgatitur molin ku do të ankorohet edhe trageti i parë me të cilin do të udhëtojnë një grup turistësh maqedonas.

Prej vitesh kryebashkiakët e tre qyteteve Pogradec Ohër dhe Strugë kanë apeluar qeveritë shqiptare dhe maqedonase për të vënë në funksion këtë linjë ujore që sipas tyre do të ndihmojë në zhvillimin e turizmit tek te dy vendet.

Projekti ishte parashikuar të aktivizohej që në vitin 2011 por kjo nuk u realizua.

Redaksia online
(esh/shqiptarja.com) - See more at: http://www.shqiptarja.com/aktualitet/2731/pogradec-n--prill-pritet-t--aktivizohet-linja-e-re-ujore-oh-r-pogradec-207249.html#sthash.3k9TLqfi.dpuf