Korçë, autoritetet vendore marrin masa për sezonin turistik 2012

Korçë - Qershor 18,2012 Korça pa det, por me liqene, zona dhe pika të shumta turistike është duke kryer përgatitje të shumta për një sezon të suksesshëm turistik. Bashkërendimi i masave për garantimin e rendit, rritjen e sigurisë, furnizimin me ujë të pijshëm dhe energji elektrike pa ndërprerje gjatë 24 orëve, shërbim të vazhdueshëm shëndetësor dhe kontroll të cilësisë e higjenës së ushqimit, ishin problemet që u diskutuan në mbledhjen e shtabit të punës të mbledhur nga prefekti i Korçës, Andrea Mano. Ai shtroi detyra konkrete për kryetarët e bashkive Korçë e Pogradec dhe të komunave Liqenas, Voskopojë, Drenovë, Vithkuq, Udnisht, Buçimas etj.                    Qarku i Korçës, me 5 dogana në vijën kufitare me shtetet fqinje Greqi e Maqedoni, gjatë verës do të presë e përcjellë dhjetra mijë turistë të huaj por edhe emigrantë shqiptarë, që vijnë për të kaluar pushimert në vendin e tyre. Për këtë qëllim, strukturat shqiptare të policisë po bashkëpunojnë me homologët e vendeve fqinje për të lehtësuar qarkullimin në të dyja anët e kufirit duke parandaluar trafiqet e paligjshme dhe lëvizjen e personave me preçedentë penalë.   Në përfundim tw mbledhjes, u la detyrë që një herë në javë kryetarët e organeve të pushtetit vendor të dërgojnë në prefekturë informacion mbi zbatimin e detyrave të shtruara para tyre nga shtabi i menaxhimit të sezonit turistik.       http://news.albanianscreen.tv/pages/news_detail/40470 Jorgjeta Gjançi