Bashkiakët, “sherr” me plazhistët në Durrës

e Martë, Qershor 26th, 2012
Mungesa e hapësirave publike në plazhin e Durrësit është kthyer në një problem shqetësues për pushuesit që frekuentojnë këtë vijë bregdetare. Ditën e djeshme, pushuesit janë përplasur me Policinë Bashkiake, pasi kjo e fundit po ndërhynte në bregdet për të liruar plazhet publike që janë zaptuar nga privatët. Për të liruar plazhet, më parë duhej të largonin plazhistët. Por asnjë prej tyre nuk ka pranuar të lëvizë, duke u justifikuar me faktin se kishin paguar për të qëndruar aty. Për disa minuta në plazhin “Apollonia” u krijua një situatë e pazakontë. Plazhistët dhe efektivët e Policisë Bashkiake kanë debatuar ashpër me njëri- tjetrin për këtë situatë. Pushuesit janë larguar vetëm kur pronarët anonimë që kanë zaptuar parcelat publike u kthyen atyre paratë.                            
l.mhttp://www.panorama.com.al/kurizitete/bashkiaket-%E2%80%9Csherr%E2%80%9D-me-plazhistet-ne-durres/