Konkurueshmëria në Turizëm, Shqipëria e 71 në 139 vende
![](http://www.welovealbania.com/images/stories/turizmi/cat_bregdeti-shqiptar.jpg)
Shqipëria ka ngjitur 19 vende në renditjen botërore për konkurueshmërinë në turizëm. Në këtë krahasim të Organizatës Botërore të Turizmit, Shqipëria lë pas Egjiptin, Maqedoninë. Në rajon kryeson Mali i Zi
Viti 2011 e sheh në një renditje më të
lartë Shqipërinë, përsa i përket sektorit të turizmit. Organizata
Botërore e Turizmit e ka renditur këtë vit Shqipërinë 19 vende më lart
(vendi i 71-të), në krahasim me vitin 2009 (vendi 90), vit me të cilin
bëhet edhe krahasimi në raport që ka lidhje me konkurrueshmërinë për
turizmin, për vitin 2011. Sipas kësaj renditjeje, e cila vlen për 139
vende, Shqipëria është kuotuar me 4.01 pikë, pas Libanit dhe përpara
Republikës Dominikane, Indonezisë, Gjeorgjisë, Egjiptit e fqinjit
Maqedoni. Në raportin e vitit 2011, Zvicra renditet e para, duke u
pasuar nga Gjermania, e cila ka fituar një pozicion më lart e po kështu
edhe Franca. Në rajonin e Ballkanit, duket se vendi më konkurrues në
fushën e turizmit është Mali i Zi, i cili nga vendi i 52-të, që ka qenë
në vitin 2009, është pozicionuar në vendin e 36-të. Në këtë raport
thuhet se pas një periudhe të vështirë, industria e turizmit do të nisë
të rimëkëmbet, por me ritme të ngadalta. Ky raport mat dhe analizon
konkurrueshmërinë e turizmit në ekonomi të ndryshme në botë dhe lista me
dhjetë vendet e para kompletohet me Austrinë, Suedinë, Britaninë e
Madhe, Shtetet e Bashkuara të Amerikës, Kanadanë, Spanjën e Singaporin.
Në raport edhe shtyllat kryesore të
performancave ekonomike, si ligjet e rregullat, mjedisi, siguria,
shëndeti, infrastruktura turistike, kapitali njerëzor, transporti ajror
dhe tokësor etj. Shqipëria ka fituar renditjen më të mirë (vendi i
tretë), për sa i takon mikpritjes turistike, së bashku me Libanin e
Barbadosin. Vendet që ofrojnë çmime më konkurruese e që joshin turistët e
huaj janë Gambia e Malajzia. Kryesisht këto vende kanë çmime të lira të
karburantit dhe të akomodimit. Në raportin e konkurrueshmërisë për
vitin 2011 vihet re se Zvicra, Singapori e Islanda mbajnë vendet e para
për burimet njerëzore, çfarë nënkupton edukim të fortë, lehtësi
trajnimi, forcë pune të shëndetshme etj. Vendet më të pasura në burime
natyrore renditen Shtetet e Bashkuara të Amerikës, Brazili e Tanzania,
Suedia, Spanja e Britania e Madhe renditen ndër vendet që kanë
konkurrueshmëri të lartë. Konkurrueshmëria në turizëm është tregues i
rëndësishëm i ekonomisë. Vlerësohet si stimuluesi më i madh i ekonomisë.
Turizmi vlerësohet si sektori që punëson më shumë njerëz. Kryesisht të
rinj e gra. Turizmi i nxit njerëzit të konsumojnë. E njëjta gjë ndodh
edhe me biznesin në rastin e konferencave të ndryshme. Këto dy elementë
rrisin të ardhurat e eksportit. Turizmi arriti të shënonte rritje, përsa
i takon numrit të vizitorëve me rreth 7%, në krahasim me vitin 2009,
kur u shënua rënia më e fortë me rreth 4%. Sipas barometrit të
Organizatës Botërore të Turizmit, pothuajse të gjitha destinacionet më
popullore në botë shënuan shifra pozitive, por që më së shumti i
orientuan nga vendet me ekonomi në zhvillim. Gjatë vitit 2010, numri i
turistëve ndërkombëtarë arriti në 935 milionë, rreth 58 milionë më shumë
se në vitin 2009. Kjo rritje, më e ulët në ekonomitë e zhvilluara (5%) e
më e shpejtë se në ato në zhvillim (8%), erdhi si reflektim i situatës
ekonomike në botë dhe parashikohet që të vazhdojë me këto ritme edhe
gjatë këtij viti.
Sipas kësaj renditjeje, e cila vlen për
139 vende, Shqipëria është kuotuar me 4.01 pikë, pas Libanit dhe përpara
Republikës Dominikane, Indonezisë, Gjeorgjisë, Egjiptit e fqinjit
Maqedoni. Në raportin e vitit 2011, Zvicra renditet e para, duke u
pasuar nga Gjermania
Fonti: http://www.mapo.al/
Nessun commento:
Posta un commento