Projektet per Turizmin, Proçedura që ndiqet nga Ministria e Turizmit Kulturës, Rinisë dhe Sporteve për Shqyrtimin dhe Miratimin e Projekteve

Projektet per Turizmin

Koordinimi dhe Përgatitja e Projekteve Drejtoria përgjegjëse për përgatitjen dhe koordinimin e projekteve në të gjithë veprimtarinë e saj  synon të rrisë efektivitetin në hartimin, zbatimin,  monitorimin dhe vlerësimin  e projekteve në  fushën e turizmit, artit, kulturës, rinisë dhe sporteve. Kjo drejtori bashkëpunon si me partnerë dhe organizata vendase ashtu edhe me institucione ndërkombëtare. Dokumentacioni që duhet paraqitur për mbështetjen financiare të projekteve që prezantohen pranë MTKRS. Formular Aplikimi për Mbështetje Financiare. Kërkesa e aplikantit jo më shumë se gjysëm faqe ( ku përfshihet një përshkrim i shkurtër i shoqatës dhe i qëllimit pse kërkon mbështetje). Projekt-Propozimi ku përfshihen (përshkrimi i projektit, qëllimi dhe objektivat specifike te projektit,situata / motivimi, rezultatet, aktivitetet, monitorimi dhe vlerësimi). Përshkrim të detajuar mbi burimet financiare të parashikuara për realizimin e këtij projekti, shumës së kërkuar nga MTKRS dhe burime të tjera financiare (donatorë), sipas formatiti bashkëngjitur. Dy vlerësime të projektit nga personalitete të njohura të fushës. Në rastin kur aplikanti është person fizik ose juridik përveç dokumenteve të mësipërme duhet të paraqesë: Vendimin e gjykatës, NIPTI-n, çertifikatën e regjistrimit në organet tatimore, statutin, të noterizuara jo më parë se tre muaj nga data e dorëzimi në M.T.K.R.S. Lista e personave fizikë, juridke, privatë, vendas e të huaj që mbështesin projektin, donatorë me këto të dhëna: Emërtimi, personat fizikë apo juridike, adresa e saktë dhe zërat që mbulojnë donatorët. Dosja e projektit për financim duhet të përgatitet e të dorëzohet në tri kopje. Dosja duhet të jetë e rregullt dhe nga ana formale, renditja e dokumentave sipas udhëzimit, plotësuar me kompiuter, të dhëna të plota dhe të sakta sipas kërkesave të udhëzimit. Aplikanti dorëzon dosjen në protokollin e M.T.K.R.S dhe merr prej saj numrin dhe datën e regjistrimit. Proçedura që ndiqet nga Ministria e Turizmit Kulturës, Rinisë dhe Sporteve për Shqyrtimin dhe Miratimin e Projekteve Protokolli ia përcjell dosjen Kabinetit të Ministrit, i cili pasi njihet ja kalon për vlerësim artistik dhe teknik drejtorisë përkatëse. Drejtoria përkatëse bën menjëherë shqyrtimin e dosjes, bazën ligjore, plotësinë e dokumenteve, rregullin dhe qartësinë, dhe kur nuk e gjen atë të plotë, brënda 15 ditëve nga data e regjistrimit në protokoll njofton aplikantin ose i kthen atij dosjen. Drejtoria përkatëse përgatit një relacion në formë memo të cilën ja paraqet Ministrit për proçedim ose jo të dosjes në Këshillin e Kulturës të MTKRS. Këshilli i Kulturës, i miratuar nga Ministri, i përbërë nga personalitete të shquara të kulturës, artit dhe letrave, miraton nëpërmjet një proçesi votimi, projektet në përputhje me politikat e përgjithshme te M.T.K.R.S. Pas kalimit në Këshillin e Kulturës, aplikanti njoftohet menjëherë. Me telefon, kur miratohet, për lidhjen e kontratës. Me shkrim, kur kërkesa kundërshtohet. Mbylllja e proçedurave fianciare me MTKRS bëhet brenda 30 ditëve nga data e përfundimit të projektit, vetëm pasi pranë Drejtorisë përkatëse të MTKRS janë paraqitur Raporti Përfundimtar Përshkrues mbi realizimin e projektit dhe Raporti Financiar.

Projekti Berati i Bukur » Projekti Gjirokastra e bukur »