"Muaji i Europes", ne fokus arkeologjia shqiptare dhe ecuria e saj

Tërhequr më 11 Maj 2012

Java e dyte e "Muajit Europian" do te perqendrohet ne fushen e trashegimise kulturore. Ne kuader te ketyre aktiviteteve, sot do te zhvillohen dy konferenca arkeologjike me teme: "Bashkimi Europian dhe trashegimia kulturore shqiptare". Ne perfundim te konferencave do te projektohet dokumentari "Shqiperia: historia e zhytur" realizuar nga projekti "Liburna" per mbetjet e anijes spital "PO" i M. Alessandro, Mario Mazzoli dhe Giuliano Volpe. Permes rezultateve te hulumtimeve nenujore te kryera ne Shqiperi, zbulohen aspekte te historise se lashte, si dhe ndodhite e fundit ne vend. Kerkimet afatgjata kane konfirmuar pranine e nje trashegimie nenujore te jashtezakonshme, si per nga rendesia shkencore, ashtu dhe per peshen kulturore qe ka, si dhe rendesise qe mund te kete ne aspektin ekonomik. Konferencat do te mbahen nga Sara Santoro Bianchi, Profesoreshe e Historise se Artit Grek dhe Romak ne Universitetin "Gabriele D'Annunzio" Chieti Pescara dhe shefe e misionit italian arkeologjik ne Durres dhe do t'i kushtohen ish-kryeqytetit te Shqiperise. Konferenca e pare do te jete me teme: "Thesaret e se kaluares, thesaret e se ardhmes, arkeologet europiane dhe shkollat shqiptare per mbrojtjen e qytetit te lashte shqiptar te Durresit", ndersa e dyta do te jete me teme: "Arkeologjia e qytetit, arkeologjia per qytetin: rasti i Durresit ne kuader te mbrojtjes europiane te qyteteve te vjetra mesdhetare dhe vazhdimesia e jetes". Ne vitin 2003, misioni arkeologjik italian hartoi harten e rrezikut arkeologjik te qytetit, e cila eshte perditesuar vazhdimisht dhe miratuar edhe nga institucionet ne perpunimin dhe perkufizimin e mevonshem te Planit Rregullator. Ne fjalen e saj, Sara Santoro Bianchi do te perqendrohet gjithashtu edhe ne zhvillimet e fundit te arsimit universitar ne fushen e menaxhimit te trashegimise kulturore dhe organizimin e turizmit kulturor.