27 gennaio 2013

Objektet e kultit pa mbrojtje, kisha nuk ka hipotekë

Tiranë - Janar 27,2013Dëmtimi i Monumenteve të Trashëgimisë së  kultit ortodoks, nuk është përgjegjësi e drejtpërdrejtë e Kishës Ortodokse, pasi ajo nuk i ka në pronësi de jure kishat, manastiret dhe objektet brenda tyre. Drejtori i zyrës së Trashëgimsië Kulturore pranë Kishës Ortodokse Gentian Stratobërdha shpjegon se regjistrimi hipotekor i këtyre pasurive në emër të Kishës nuk është kryer pavarësisht  një marrëveshjeje me Ministrinë e Kulturës.
"Kisha ortodokse zyrtarisht nuk disponon asnjë monument të regjistruar në kadastër, që mund të thuash që është pronar  kisha dhe zyrtarisht ajo përgjigjet për ruajtjen. Normalisht duhet të dalin  nene, rregullore të veçanta, grupe të përbashkëta vlerësimi dhe të cilat pastaj konkludojnë me një listë të caktuar të gjërave që do i kthehen zyrtarisht kishës, jo vetëm fizikisht po dhe në mënyrë dokumentative. Këto me ligjin aktual që flasim, është monument kulture, duhet të rruhet nga shteti", thotë Gentian Stratobërdha- drejtor i Trashëgimisë Kulturore pranë Kishës Ortodokse
Sa i takon inventarizimit të vlerave që kanë këto objekteve, si ikonostaseve, ikonave, apo afreskeve, Stratobërdha thotë se ka bashkëpunim me Qëndrën e Inventarizimit, por është kjo qëndër që ka përgjegjësinë ligjore për regjistrimin e tyre.
"E para, thamë që kisha nuk është pronare, po dhe sikur të ishte pronare ato janë monumente kulture. Ai institucion duhet të bëjë punën e vet duke regjistruar të gjitha vlerat, sepse për atë është ngritur dhe është një institucion relativisht i ri, krahasuar me institucionet e tjera. Ne kemi komunikuar dhe gjithmonë kemi qenë të hapur dhe të disponueshëm për të bashkëpunuar", thotë ai.
Zgjidhja që do t'i jepte fund shkatërrimeve si ai disa javëve më parë, ndaj afreskut të Onufrit në Elbasan, sipas Stratobërdhës është kategorizimi i objekteve më të rëndësishme dhe ruajtja e tyre 24 orë me armë.

http://news.albanianscreen.tv/pages/news_detail/55966/ALB#Xchiu

Nessun commento:

Posta un commento

Search

Translate