TIRANË, 31 Korrik /ATSH- I. Vata/ – Ministri i Energjisë dhe Industrisë, Damian Gjiknuri, shoqëruar nga administratori i Operatorit të Shpërndarjes, Adrian Çela dhe kryebashkiaku i Himarës, Jorgo Goro, ndoqën nga afër masat e marra për garantimin e furnizimit gjatë sezonit turistik në vijën bregdetare, thuhet sot në një deklaratë për mediat nga OSHEE.
Ministri Gjiknuri deklaroi se në sajë të investimeve të kryera, këtë vit ka ndryshuar ndjeshëm cilësia e furnizimit, çka pohohet nga banorët e zonës dhe pushuesit.
“Jugu ka qenë një nga zonat më problematike përsa i takon furnizimit me energji, sidomos gjatë verës kur rritej dhe konsumi i energjisë për shkak të turizmit, ndërprerjet kanë qenë të shpeshta, por dhe cilësia e furnizimit apo niveli i tensionit kanë qenë skandaloze. Vitet e fundit, por sidomos vitin e fundit, janë kryer investime që tregojnë dukshëm ndryshimin e realiteteve, cilësia e furnizimit ka ndryshuar rrënjësisht”, u shpreh Gjiknuri.
Ministri Gjiknuri ka përmendur disa investime të kryera në zonën bregdetare të jugut, investimin e rëndësishëm të Unazës së Jugut, e cila hyri këtë vit në funksionim, si dhe vendosjen për herë të parë në punë të një nenstacioni të lëvizshëm në Himarë, që bën konvertimin e kësaj rryme për nivelin e tensionit të ulët për qytetarët.
Gjiknuri në fjalën e tij theksoi se ditët e fundit po shqyrtohet oferta për 2 nenstacione të reja të Himarës dhe Orikumit, që do të jenë investime permanente që do të kompletojnë gjithë pjesën e jugut nga Vlora në Sarandë. “Kemi filluar procesin e përgatitjes së tenderit për investimet që do bëhen në pjesën tjetër të jugut, një pjesë nga Kooperacioni Italian dhe një pjesë e fondit nga OSHEE dhe deri vitin tjetër do kemi mundësi që i gjithë Jugu të ketë një cilësi furnizimi njësoj si qytetet e tjera të Shqipërisë”.
Ndërsa administratori i kompanisë OSHEE, Adrian Cela, nënvizoi në fjalën e tij disa prej investimeve të përfunduara në zonën e Jugut, sic janë nënstacioni mobile që do të qëndrojë permanent deri në vitin 2017 derisa të hyjë në punë nstacioni i ri 110-20 me fondet e Kfw. /a.ke/
http://www.ata.gov.al/vija-bregdetare-gjiknuri-investimet-permiresojne-ndjeshem-furnizimin-me-energji/
Nessun commento:
Posta un commento