DISCOVER and LOVE ALBANIA. KRIJUAR për t'ju lehtesuar kerkimet e informacioneve rreth Shqipërinë Turistike .... MENDONI sikur i njihni bukurit qe ofron Shqiperia, KENI DèGJUAR për te dhe vendet e saja përrallore.
Shqipëria nuk kujtohet vetëm në zemër, NE ju japim mundësin qe te njihni arteriet HISTORIKE & KULTURORE qe shtrihen ne token Shqiptare .
31 luglio 2016
Siti arkeologjik i Antigonesë bëhet i vizitueshëm për turistët kete sezon veror 2016
29 KORRIK 2016 - 18:01
Kanë përfunduar punimet e Misionit Arkeologjik italo-shqiptar në Hadrianopolis dhe Luginën e Drinos. Bashkëdrejtues të këtij misioni kanë qenë Prof.Roberto Perna i Universitetit të Maceratës, si dhe Prof. Dhimiter Condi i Institutit të Arkeologjisë.
Objektiv i kërkimeve gjatë këtij viti, ka qenë kompletimi i ndërhyrjeve me karakter stratigrafik të nisura gjashtë vjet më parë dhe që vijuan deri vitin e kaluar në zonën e Teatrit të Hadrianopolit.
Aktivitetit të gërmimit, ju bashkangjit edhe ai i restaurimit me vazhdimësi të punimeve të nisura në vitet e shkuara, që lidhen me strukturat e zbuluara gjatë gërmimeve.
Me qëllim përcaktimin sa më të saktë të perimetrit të qytetit antik dhe për një plan më adekuat mbrojtjeje dhe valorizimi, u vazhdua bashkëpunimi me Universitetin e Kamerinos në realizimin e kërkimeve gjeofizike në zonën urbane.
Me interes kanë qenë edhe aktivitetet e lidhura me realizimin e Hartës Arkeologjike, duke përdorur sistemin GPS në evidentimin e siteve të reja në lugine.
Është punuar në kontrollin e disa siteve të lidhur me fortifikimet e karakterit urban dhe protourban tashmë të njohura dhe të botuara në volumin Hadrianopolis II. Objektivi final i punimeve, ka qenë edhe këtë vit, mbrojtja dhe vlerësimi turistik përmes vazhdimësisë së aktiviteteve që kanë qëllim, realizimin e Planit të Parkut Arkeologjik të Antigonesë dhe Hadrianopolisit, si dhe të Lugines së Drinos. Pikërisht për këtë u programua edhe organizimi i prezantimit të Guidës së re Turistike për sitet e Antigonesë, Hadrianopolis dhe Gjirokastrës si dhe vendosja e Paneleve informuese”, u shpreh Arkeologu i njohur italian Perna.
Sipas arkeologut shqiptar Dhimitër Condi, gjithcka u realizua si bashkëpunim midis Universitetit të Maceratës në Itali, Drejtorisë Rajonale të Kulturës Kombëtare dhe Institutit të Arkeologjisë në Tiranë.
Ky projekt hedh hapin e parë në ndërkombëtarizimin e titujve të studimit në Universitetin e Gjirokastrës që lidhen direkt me integrimin europian të programeve studimore, kërkimore dhe të punesimit.
Nessun commento:
Posta un commento