20 febbraio 2013

Turizmi Shqiptar ( Albania Tourism) prezantohet midis 120 vendeve nga e gjithë bota ne Panairin e Milanos 2013


Turizmi shqiptar u prezantua midis 120 vendeve te tjera nga e gjithë bota ne Panairin e Milanos, ku morën  rreth 2 mije ekspozues, prej datës 14- 17 Shkurt 2013. Duke konsideruar Bursën Ndërkombëtare të Turizmit”, si një ndër ngjarjet më të rëndësishme në industrinë e turizmit botëror, AKT u paraqit me një stendë të re, me një koncept krejt bashkëkohor, duke vendosur në pamjen ballore tre ekranë të përmasave të mëdha, ku u pasqyruan gjatë të katërt ditëve pamje filmike të zonave të ndryshme turistike nga i gjithë vendi ynë, turizmi i diellit dhe rërës, turizmi malor dhe vlerat e jashtëzakonshme të trashëgimisë kulturore dhe historike të Shqipërisë. 
Duke qenë se Shqipëria dhe Italia, vendi mikpritës i këtij panairi, janë dy vende mesdhetare dhe ngjasojnë në ofertat e tyre për turistë, Agjencia Kombëtare e Turizmit i kushtoi një rëndësi të veçantë prezantimit të elementëve më origjinalë të vendit tonë.

Stenda e Shqipërisë, u ofroi mundësi edhe disa operatorëve turistrikë shqiptarë, si: Adria Ferries, Albtours D-Vas tour Operatore apo Europa Travel & Tours të vendosin kontakte dhe të lidhin kontrata pune me operatorë te shumtë turistikë nga të gjithë vendet pjesmarrëse.
 
Vetëm vitin e kaluar vendin tone e kane vizituar 117 mije qytetare italianë, një arsye PERSE prezantimi i Shqipërisë turistike në Bursën  Ndërkombëtare të Turizmit në Milano merr një rëndësi të veçantë.
 Sot, turizmi konsiderohet si një ndër sektorët më elastik të ekonomisë, duke u përshtatur me fleksibilitet ndaj krizave të ndryshme.
Dhe pavarësisht vështirësive konkrete ekonomike në vende të ndryshme të botës, të dhënat e Organizatës Botërore të Turizmit tregojnë se edhe gjatë vitit 2013, turizmi ne mbarë botën do te rritet me 3- 4 %.  

Nessun commento:

Posta un commento

Search

Translate