06 febbraio 2014

Marrëveshja në fushën e Turizmit Shqipëri-Kosovë.

Ministrja e Zhvillimit Urban dhe Turizmit Znj. Eglantina Gjermeni nënshkroi sot në Tiranë marrëveshjen e bashkëpunimit në fushën e turizmit me Ministrin e Tregtisë dhe Industrisë të Republikës së Kosovës Z. Bernard Nikaj. Marrëveshja synon krijimin dhe zhvillimin e paketave të përbashkëta turistike, si e vetmja mundësi për të qenë konkurrues në tregun rajonal dhe më gjerë. https://www.facebook.com/media/set/?set=a.1457071014509417.1073741856.1424571444426041&type=1

 on  by 
Tiranë, 6 Shkurt/ATSH/.- Shqipëria dhe Kosova nënshkruan sot një marrëveshje bashkëpunimi në fushën e turizmit që synon krijimin e një tregu të përbashkët turistik midis të dy vendeve. Marrëveshja u nënshkrua nga ministri kosovar i Turizmit, Bernard Nikaj, dhe për palën shqiptare nga Ministrja Eglantina Gjermeni. Kjo marrëveshje është shprehje e vullnetit të përbashkët mes dy qeverive, asaj shqiptare dhe asaj Kosovare, pas deklaratës për Bashkëpunim dhe Partneritet Strategjik, nënshkruar në Prizren, më 11 janar të këtij viti. Të dy palët vlerpsuan si shumë të rëndësishëm bashkëpunimin në fushën e turizmit, si një sektor potencial për zhvillimin e ekonomisë në të dy vendet. “Synimi ynë kryesor është krijimi dhe zhvillimi i paketave të përbashkëta turistike, si e vetmja mundësi për të qenë konkurrues në tregun rajonal dhe më gjerë”, deklaroi gjatë konferencës për shtyp Ministrja Gjermeni. “Ne kërkojmë të zgjerojmë veprimtarinë e operatorëve turistikë të të 2 vendeve dhe të shtojmë numrin e turistëve, duke ju siguruar kushte dhe standarte më të mira”, u shpreh Gjermeni. Për Ministrin Nikaj kjo marrëveshje i hap rrugën vizitave të përbashkëta në destinacione turistike të të dyja shteteve, ku do të prezantohen së bashku me publikime dhe materiale promovuese të dy vendeve. “Kjo marrëveshje do të vendosë në një kornizë institucionale bashkëpunimin mes institucioneve tona, i cili shumë shpejt do të konkretizohet me projekte të përbashkëta. Së bashku jemi më të fortë”, deklaroi Ministri Nikaj. Palët ranë dakord të punojnë bashkarisht për rritur numrin e turistëve mes dy vendeve, duke siguruar praktika të thjeshta ndërkufitare përgjatë gjatë vitit si dhe lëvizjen e vizitorëve, nga njëri shtet në tjetrin, në përputhje me standardet kombëtare dhe ndërkombëtare. Një tjetër pikë me rëndësi për zbatimin me sukses të kësaj marrëveshjeje është trajnimi i stafeve të turizmit, shkëmbimi i të dhënave statistikore turistike si dhe shkëmbimi i përvojave dhe praktikave më të mira profesionale. Palët angazhohen për krijimin e tregut të përbashkët të turizmit mes 2 vendeve, që do të sjellë rritjen e investime në sektorin e turizmit. /s.s./http://www.ata.gov.al/marreveshje-per-nje-treg-te-perbashket-turistik-shqiperi-kosove-43525.html

Nessun commento:

Posta un commento

Search

Translate