SARANDE, 13 Mars/ATSH/- “Saranda-qytet i Eventeve” është botimi më i ri i Bashkisë Sarandë që i kushtohet eventeve lokale e kombëtare të vitit, jetës kulturore, artistike e sportive që do të shoqërojnë javët dhe muajt e këtij viti.
Det dhe rërë, diell dhe natyrë, nuk mjaftojnë për të kënaqur nevojat e banorëve dhe kërkesat e turistëve e vizitorëve të Sarandës.
Një komponent i rëndësishëm për njohjen me qytetin, për informimin dhe relaksimin tuaj shpirtëror, janë veprimtaritë e larmishme.
Në të 12 muajt e tij. Ky botim ka stacionet, ku të gjithë mund të ndalen për t’u ndjerë vendas në këtë qytet, që realizon turizmin, me ofertë të përmirësuar sipas Programit të Investimeve Kapitale (PIK), të ndërthurur me produkte kulturore.
Ky kalendar u vjen në ndihmë të gjithë turistëve dhe vizitorëve për ti orientuar në përzgjedhjen e eventeve e veprimtarive që u interesojnë të ndjekin gjatë vitit 2015.
Bashkangjitur me paketën e veprimtarive dhe eventeve 2015, janë edhe rekomandimin për pikat e interesit të veçantë turistik./a.gegvataj/http://www.ata.gov.al/saranda-qytet-i-eventeve-botim-236798.html
Nessun commento:
Posta un commento