Mbikalimi i Shkozetit gati në sezonin turistik 2015

Pubblicato il 07 mar 2015

Ka marrë fund makthi i drejtuesëve të automjeteve teksa kalojnë në rreth rrotullimin e Shkozetit. Mbikalimi që është ngritur mbi rrethrrotullim tashmë është bërë funksional dhe po i jepet dora e fundit.

Punimet janë përqendruar të shtrimi i rrugëve që kryqëzohen poshtë urës dhe përfundimi i saj do realizohet brenda muajit mars. Ministri i Transporteve Edmond Haxhinasto kreu inspektimin e fundit në këtë investim prej 12.9 mln euro, duke theksuar se para fillimit të sezonit turistik gjithçka do të ketë përfunduar.

Mbikalimi i Shkozetit lidhet me mbikalimin e Plepave, me autostradën Tiranë-Durrës si dhe me parkun energjetik të Porto Romanos dhe një nyje shumë e rëndësishme për trafikun në shkallë vendi.

Gjatë inspektimit disa banorë të zonës u ankuan se për shkak të punimeve përpara pallateve të tyre pas reshjeve grumbullohet sasi uji. Ministri Haxhinasto premtoi ndërhyrje më të gjerë pasi ky është një problem që nuk është shkaktuar nga firma që po kryen punimet, por për shkak të kuotës së ulët mbi të cilin është ndërtuar kjo zonë e Shkozetit...