![sotira](http://www.ata.gov.al/te-ngarkuara/sotira-302x200.jpg)
Ujëvara me nje lartesi gati 100 metra, qe buron nga mali i Tomorit, me bukurine e saj mahnitese ka bere te mundur qe te mos ngelet vetem e banoreve te zones, por te sjelle edhe vizitore te shumte nga e gjithe Shqiperia. Kjo ujëvarë ndodhet rreth dy orë larg Tiranës dhe është e vizitueshme kryesisht në stinën e verës. Por, në këtë zonë nuk është vetëm kjo ujëvarë, pasi zona e Gramshit ka potenciale të mëdha turistike, siç është kanioni i Holtës i formuar me kalimin e kohës, përmes procesit të erozionit për shkak të lumit Holtë. Kanioni është i përbërë nga shpella të shumta që ende nuk janë eksploruar nga udhëtarët aventurierë. Stalaktitet dhe stalagmitet kanë krijuar një vend të rrallë për t’u vizituar.
![sotira4](http://www.ata.gov.al/te-ngarkuara/sotira4-267x200.jpg)
Por, ajo që tërheq vëmëndjen në këtë zonë është ujëvara e Sotirës, një nga monumentet më të bukura natyrore jo vetëm në Shqipëri, por edhe më gjerë. Ujëvara e Sotirës ndodhet rrëzë malit të Tomorit dhe u ka shërbyer banorëve të zonës për çlodhje apo dhe e kanë shfrytëzuar këtë burim hidrik për bujqësinë dhe blegtorinë. Sotira, vizitorë të përditshëm ka pasur vetëm banorët e zonës, por tashmë po kthehet në një destinacion të preferuar për shumë turistë shqiptarë. Ajo ndodhet 2 orë larg zonës së banuar e për pasojë natyra është e virgjër
dhe e paprekur nga dora e njeriut. Sotira është unike në llojin e saj dhe ajo që e bën të veçantë është mënyra e daljes së ujit nga lartësi të ndryshme. Janë tre burime ujore që dalin në trajtë çurgjesh nga lartësi të mëdha në shkëmbinjë gëlqeror. Peizazhi i shpatit ku uji del, në mes të pyjeve e pemëve të lisit, është i mrekullueshëm në një tokë përherë të gjelbëruar. /a.ke/http://www.ata.gov.al/ujevara-e-sotiresdestinacion-turistik-qe-nuk-duhet-humbur-251711.html
![sotira3](http://www.ata.gov.al/te-ngarkuara/sotira3-299x200.jpg)
Nessun commento:
Posta un commento