TIRANË, 5 Janar / ATSH -N.Lena/- Turizmi shqiptar në vitin 2014, shënoi një hov cilësor në zhvillimin e tij. E shprehur në përqindje, ardhja turistike gjatë vitit të shkuar ka pasur një rritje prej 20 deri në 25 % më shumë se viti 2013. Këtë fakt e bëri prezent edhe Ministria e Zhvillimit Urban dhe Turizmit, Eglantina Gjermeni, në intervistën e parë publike për vitin 2015.
Gjermeni theksoi se “sezoni veror turistik ka qenë goxha pozitiv për Shqipërinë krahasuar me vitin 2013. Tregon se është rritur numri i turistëve me mbi 20 apo 25 %, është rritur koha e qëndrimit të tyre në Shqipëri, është rritur edhe niveli i të ardhurave që turizmi jep për ekonominë shqiptare mbi 30 %, krahasuar me vitin 2013, (për 6 mujorin e parë sipas Institutit të Statistikave)”.
Një rëndësi të veçantë, Ministria i kushtoi turistëve rajonal dhe lehtësimit të proçedurave të atyre që vijnë nga Kosova, Maqedonia dhe Mali i Zi, në mënyrë që të lehtësohet ardhja e mos të presin me orë të tëra në kufi.
Gjermeni ka përmendur bukuritë natyrore të vendit tonë, zhvillimet e viteve të fundit në infrastrukturën rrugore, si dhe akomodimin, mikpritjen, kulinarinë e veçantë.
”Të gjithë ata që e kanë vizituar një herë Shqipërinë, nuk ngurrojnë të kthehen një herë të dytë. Bukuritë e shumta natyrore që ka vendi ynë, i kanë mahnitur të gjithë, duke mbushur faqet dhe kopertinat e shumë prej revistave dhe gazetave më prestigjoze të botës. Turizmi në Shqipëri po shihet çdo vit e më shumë si e ardhmja e këtij vendi, si motorr i zhvillimit ekonomik e punësimit të njerëzve. Ka akoma shumë punë për t’u bërë në drejtim të zhvillimit të turizmit, ndaj dhe vëmendja e Ministrisë së Zhvillimit Urban dhe Turizmit është e gjitha e fokusuar këtu. Puna ka nisur por rruga përpara është shumë e gjatë”, ka cilësuar Gjermeni.
Tashmë ka nisur një tjetër stinë turistike, ajo e turizmit të borës. Vendi ynë ka mjaftë hapësira për këtë turizëm ku dhe mund të ushtrohen shumë lloj sportesh dimërore.
Por a jemi ne të përgatitur për ta pritur turizmin e 
bardhë?!
bardhë?!
Shumë rrugë të Shqipërisë gjatë dimrit bëhen të vështira për t’u kaluar dhe sistemet e tjera si energjia elektrike, ndihma e shpejtë apo uji, nuk funksionojnë si duhet.
Ky start që ka marrë turizmi shqiptar, duhet mbështetur nga pushteti qendror dhe ai lokal, që kështu të mund të futemi në listën e konkuruesëve./a.g/http://www.ata.gov.al/gjermeni-turizmi-po-shihet-cdo-vit-e-me-shume-si-e-ardhmja-e-ketij-vendi-209140.html
Nessun commento:
Posta un commento