14 gennaio 2015

Berat- Përfundon proçesi i restaurimit në lagjen “Goricë”

Foto e banesës së Vangjel BushitTiranë, 14 janar /ATSH/ – Drejtoria Rajonale Kulturore Kombëtare Berat ka njoftuar së fundmi se ka përfunduar proçesin e restaurimit te çatisë së portës dhe strehën me dy pale bishta në banesën e Vangjel Bushit, Monument Kulture kategoria e dytë në lagjen “Goricë”.
Ndërkohë, punëtoret e mirëmbajtjes kanë filluar punimet restauruese në një tjetër banese në këtë lagje, në banesën e Palush Palushit, Monument Kulture, kategoria e dytë.
Ndërhyrja restauruese në këtë banesë do të konsistojë në zëvendësimin e petavrave të prishura në murin çatërma, suvatimin e tij dhe lyerjen me sherbet gëlqere.
Gjithashtu, në këtë banesë do të bëhet edhe zëvendësimi i dritareve, pasi dritaret ekzistuese prej druri janë të amortizuara.

Nessun commento:

Posta un commento

Search

Translate