03 gennaio 2015

Akulli ‘pushton’ liqenin e Pogradecit, një atraksion për shumë qytetarë kureshtar, i mrekullueshëm edhe në dimër






PogradecPOGRADEC, 2 Janar/ATSH/- Temperaturat e ulëta të këtyre ditëve kanë shënuar ngrica në shumë qytete dhe rrugë të vendit.
Por si pasojë e temperaturave të ulta që ka shënuar -14 gradë celsius,  në liqenin e Pogradecit gjithçka tashmë është kthyer në akull.
Dallgët e Liqenit të cilat përplasen në breg janë kthyer në akull.
Ky imazh i fiksuar në qytetin e Pogradecit është kthyer edhe në një atraksion për shumë qytetarë kureshtar.
Ky fenomen nuk kishte ndodhur prej të paktën 30 vjetësh në këtë qytet.
Ndërkohë që jo vetëm në liqen, por në të gjithë qytetin akulli ka marrë pushtetin./a.g/http://www.ata.gov.al/akulli-pushton-liqenin-e-pogradecit-208860.html

pogradec1Qyteti i Pogradecit mbetet gjithmonë një destinacion i preferuar në stinën e dimrit, sidomos kur ka reshje bore. Pamja piktoreske e liqenit dhe borës, i japin qytetit një sfond të mrekullueshëm.

Edhe pse i ftohtë dhe i acartë, dimri këtë vit mbërriti në Pogradec me reshje të shumta bore që i mahniti turistët me skulpturat prej akulli, që u formuan pranë liqenit.
Shumë turistë dhe vendas të qytetit, nxituan të bënin fotografi te liqeni i cili kishte ngrirë dhe kishte formuar një urë prej akulli.
Uji i ngritur pas përplasjes së dallgëve të liqenit krijoi këtë vit, stalaktite akulli në pasarelat e ndërtuara në bregun e tij. Ky ishte një fenomen që nuk ka ndodhur për të paktën 25 vjet në Pogradec. Ne po ju sjellim një album me foto të mrekullueshme të bëra në Pogradec. http://www.telegrafi.com/lajme/pogradeci-i-mrekullueshem-edhe-ne-dimer-foto-78-13299.html
Fotot janë realizuar nga Ina Kosta, Ardian Fezollari dhe turistë që kanë vizituar qytetin e Pogradecit.

Nessun commento:

Posta un commento

Search

Translate