TIRANË,14 Korrik / ATSH/ – Shoqata për Ruajtjen dhe Mbrojtjen e Mjedisit Natyror në Shqipëri (PPNEA), në bashkëpunim me Agjensinë Kombëtare të Bregdetit (AKB) dhe Komunën Qendër – Vlorë, duke u mbështetur financiarisht prej Fondit të Partneritetit për Ekosistement e Kërcënuara (CEPF), bënë të mundur ndërtimin dhe hapjen e Zyrës së parë në shërbim të turizimit në zonën e Mbrojtur Vjosë – Nartë.
Zyra do të operojë përgjatë gjithë sezonit turistik. Ajo, aktualisht përfaqëson zyrën e vetme të këtij lloji në rrethin e Vlorës.
E vendosur në një pozicion mjaft të favorshëm, buzë rrugës kryesore Vlorë-Nartë-Zvërnec, do t’u shërbejë në radhë të parë turistëve të huaj dhe atyre vendas në dhënien e një informacioni profesional turistik, bizneseve të shumta të turizmit në zonë për promovimin e tyre, agjentëve të ndryshëm të turizmit për reklamimin e produkteve, si dhe kumunitetit vendas për promovimin e vlerave turistike të zonës dhe produkteve ogrobujqësore si dhe të kulinarisë vendase./a.g/
Nessun commento:
Posta un commento