04 ottobre 2012

Tirana Art Days, në kryeqytet artistët shqiptarë më të njohur në botë

Tiranë - 
Starton në Tiranë aktiviteti kulturor, "Tirana Art Days", organizuar nga Bsahkia e kryeqytetit. Do të jenë artistë të njohur, aktorë të Hollivudit, modelë dhe fotografë me famë botërore që për tre ditë do të jenë protagonistë të një sërë aktivitetesh. Eliza Dushku, Blerim Destani, Fadil Berisha, Lu Sierra, Marigona Dragusha, Anxhela Martini, stilistët Ema Savah, Krenare Rugova, Feyize Camer do të ndajnë famën dhe talentin e tyre me artdashësit kryeqytetas. Aktiviteti organizohet në kuadër të festimeve për 100-vjetorin e Pavarësisë. Tirana Art Days do të zgjasë tre ditë ku do të zhvillohen 24 aktivitete të ndryshme në fotografi, muzikë, histori, kinematografi, pikturë, skulpturë etj.Dokumentari i shumëpërfolur i aktores Eliza Dushku do të prezantohet në Tiranë në kuadër të "Tirana Art Day's", një organizim i Bashkisë së Kryeqytetit, në datat 4, 5 dhe 6 tetor. Organizatorët premtojnë 3 ditë të mbushura me aktivitete kulturore dhe artistike, gjatë të cilave priten të vijnë edhe mjaft nga personalitetet e njohura shqiptare në botë.

Në një prej këtyre ditëve do të shfaqet edhe premiera e filmit, ku Eliza Dushku dhe Blerim Destani udhëtojnë dhe prezantojnë Shqipërinë dhe traditat tona në një rrugëtim të gjatë, që do të shfaqet në 1 orë e gjysmë dokumentar. Vetë Eliza do të vijë enkas për këtë rast në Tiranë me të dashurin e saj, ish-basketbollistin Rick Fox.

Nessun commento:

Posta un commento

Search

Translate