13 ottobre 2016

Projekti i ri për një pamje më atraktive për kalanë e Gjirokastrës

14479804_1790559661217432_6427997726598325971_n-copyTIRANE, 13 Tetor/ATSH/ – Një projekt i ri falë bashkëpunimit të Drejtorisë Rajonale të Kulturës Kombëtare (DRKK ) Gjirokastër me vullnetarët e Korpusit Amerikan të Paqes, do të mundësojë një tjetër imazh për kalanë e këtij qyteti.
Projekti u konsiderua i suksesshëm nga Korpusi Amerikan i Paqes në Shqipëri dhe u aprovua.
Qëllimi i përgjithshëm i grantit SPA (Asistenceë për Projekte të Vogla), është për të “lehtësuar zhvillimin dhe zbatimin e bazës së qëndrueshme të granteve të projekteve të vogla që ndërtojnë kapacitetet, në komunitetet ku Vullnetarët e Korpusit të Paqes shërbejnë.”
Sipas njoftimit të kësaj drejtorie, vullnetarja e Korpusit të Paqes, Nicole Martin, do të jetë në bashkëpunim me Drejtorinë Rajonale të Kultures Kombetare- Gjirokastër dhe shkollën e mesme profesionale Gjirokastër “Thoma Papapanopno”, për të përmirësuar një zonë të kalasë ku janë të vendosur topat e periudhës otomane.
14708320_1790559861217412_7581675866005147623_n-copyNxënësit e shkollës profesionale të Gjirokastrës apo shkollës Industriale, do të krenohen me përvojën dhe punën që do të kryejnë me instalimet e reja elektrike dhe hidraulike të cilat do të ekspozojnë shumë më mirë topat dhe do të rrisin hapësirën e gjelbër për të gjithë vizitorët e kështjellës të cilët në këtë mënyrë do të marrin kënaqësi estetike të shtuar.
“Ne jemi të ngazëllyer dhe entuziastë për këtë projekt dhe për mundësinë për të punuar me disa nga artizanët vendas brenda këtyre muajve të ardhshëm”, është shprehur përfaqësuesja e Korpusit të Paqes. /a.a/ /a.g/
https://www.ata.gov.al/projekti-i-ri-per-nje-pamje-me-atraktive-per-kalane-e-gjirokastres/

Nessun commento:

Posta un commento

Search

Translate