TIRANË, 2 Tetor /ATSH / – Në kalanë veneciane të Butrintit në akropol, u zhvillua panairi i kulinarisë tradicionale “Aromë tradite në Butrint”, i organizuar nga Agjencia Joniane e Mjedisit, Medias dhe Informacionit, në kuadër të projektit ”Nxitje e aktiviteteve të qëndrueshme që promovojnë produktet tradicionale”, mbeshtetur edhe nga Shoqata e Ruajtjes dhe e Mbrojtjes së Mjedisit Natyror në Shqipëri (PPNEA) dhe parku Kombëtar. Sipas drejtuesit te agjencisë “AJMMI”, Shkëlqim Hajno, “Projekti “Aromë tradite në Butrint “ ka për qëllim nxitjen dhe promovimin e aseteve të reja të trashegimisë në Parkun kombetar të Butrintit nëpërmjet njohjes së turistëve të qytetit antik me prodhime të kuzhinës tradicionale si, produkte të amvisave të qytezës së Ksamilit dhe rrethinave të zonës.
Sipas Shoqatës së Ruajtjes dhe Mbrojtjes së Mjedisit Natyror në Shqipëri (PPNEA), ky panair synon nxitjen e aktiviteteve të qëndrueshme në hapësirën e Parkut kombëtar të Butrintit, pasuri e UNESCIO-s përmes produkteve të kulinarisë, duke adresuar edhe vetëpunesimin e grave të pazëna me punë në qytezën e Ksamilit me 10.000 banore.
Sipas drejtorit të Zyrës së Administrimtit dhe Koordinimit në Butrint, Gjergji Mano, “Arome tradite”, u zhvillua si një aktivitet i rëndësishëm me impakt edhe në kuadër të Ditës kombëtare të Trashëgimisë si dhe të projektit të BE-s EX.PO.AUS, ku Butrinti promovohet si një nga 13 parqet e zgjedhura në hapesirën gjeografike të Adriatikut, që nis me Kroacinë e përfundon në Korfuz. Ky aktivitet është një tjetër stimul për të nxitur vizitorët dhe turistët e huaj që ta vizitojnë Sarandën edhe në këtë stinë./a.ke/ http://www.ata.gov.al/panair-kulinarie-ne-kalane-veneciane-te-butrintit-177270.html
Nessun commento:
Posta un commento