KRUJE- Rigjallërimi i pazarit të Krujës dhe modernizimi i biznesit të artizanatit, është objektivi i një projekti të përbashkët të hartuar nga Ministra e Turizmit në bashkëpunim me atë të kulturës, Fondacionin Shqiptaro-Amerikan, bashkinë e Krujës si dhe komunitetin e biznesit.
Ky projekt do të rehabilitojë kalldrëmin e pazarit të vjetër, do të rinovohen çatitë dhe fasadat e dyqaneve, do të certifikohen produktet artizanale dhe mbështetet biznesi drejt modeleve më të mira të ofrimit të shërbimit.
Përmes këtij projekti sipas ministres së Turizmit, Eglantina Gjermeni, synohet të krijohet një model unik i menaxhimit të zonave turistike me potencial për t’u binjakëzuar më pas edhe në qytete më të njëjtat resurse.Në të njëjtën linjë me Gjermenin ishte edhe ministrja e Kulturës Mirela Kumbaro.
Ky projekt ka një investim me 800 000 dollarë nga fondacioni shqiptaro-amerikan për zhvillim.
Redaksia online(e.s/shqiptarja.com) - See more at: http://www.shqiptarja.com/aktualitet/2731/projekt-per-rigjallerimin-e-pazarit-te-krujes-e-modernizimin-e-artizanatit--237279.html#sthash.RglraOnN.dpuf
Nessun commento:
Posta un commento