13 marzo 2017

Lumi Kir, i mbushur me kajakë në fundjavë

kiriTIRANË, 13 Mars /ATSH/ – Një grup turistësh nga Gjermania, ishin në fundjavë në rrjedhën e Lumit Kir në Qarkun e Shkodrës.
Ata mbërritën aty me mjetet e tyre motorrike dhe të pajisur me mjetet e lundrimit sportiv, kajak.
Pasi studiuan vendin e përshtatshëm të sportit të tyre, të ndihmuar edhe nga guidat vendase, ata rrëshqitën përgjatë rrjedhës së Kirit.
Kiri është një fshat  i vendosur pranë  lumit me të njëjtin emër, Kir. Në lashtësi ka pasur një kala që sot ka vetëm disa rrënoja,  por edhe sot ky vend emërtohet “Qyteza e Kirit” ose “Kalaja e Kaurrit”.
Me sa duket lumi ka marrë emrin e fshatit dhe jo fshati emrin e lumit, sepse në kohët e hershme ky lumë kishte emrin Clusala.kiri1
Rrjedha e lumit nuk është e qëndrueshme, sepse varet nga reshjet  edhe pse furnizohet nga përrenj  që rrjedhin nga Alpet shqiptare.
Mbi këtë lum qëndron Ura e Mesit e ndërtuar gjatë sundimit osman, me një hark të lakuar që të kujton atë të Urës të Mostarit, në Bosnje.
Ky lum në vende të pjerrëta, krijon kanione dhe është i përshtatshëm për sportet ujore të raftingut. Shumë turistë të ardhur nga Europa Lindore, shfrytëzojnë rrymat e tij ujore për sportet me kajak.
Lumi vizitohet edhe nga vendas pasionant të sporteve të rrymave të forta. Fundjava solli edhe mjaft vizitorë të tjerë në brigjet e Kirit./m.m/
https://www.ata.gov.al/lumi-kir-i-mbushur-me-kajake-ne-fundjave/

Nessun commento:

Posta un commento

Search

Translate