Muzeu Kombëtar fluks vizitorësh në sezonin e verës 2013, Vetëm në qershor është vizituar nga mbi 3000 turistë

Muzeu Historik Kombëtar në sezonin e verës shënon një fluks vizitorësh.
Muzeologia Sotirrulla Hoxha bën me dije se harta gjeografike e vizitorëve është nga e gjithë bota. Vetëm për muajin qershor muzeu më i madh në vend është vizituar nga mbi 3000 turiste.

Guidat turistike të agjensisë Kombëtare te Turizmit si dhe zyra e promovimit të kryeqytetit në Bashki e kanë të përfshirë si një prej destinacioneve më të rëndësishme të trashëgimisë kulturore në Tiranë sipas Hoxhës.

Megjithëse ajo çka duhet të ishte ndryshe janë kushtet e ruajtjes së objekteve.

Turistët të cilët vizitojnë pavione të ndryshme të këtij muzeu shprehin impresione për artifaktet dhe pasqyrimin e periudhave historike.
Por ka nga ata që shfaqin si shqetësim pamjaftueshmërin për tu njohur me objektet dhe historinë e tyre përmes një dixhiture në anglisht.

Muzeu Historik Kombëtar ka në fondin e tij mbi 4600 objekte si dhe një numër të madh fotografish të pasqyruara në 7 pavionet e tij, atij të periudhës së Antikitetit, Mesjetës, Rilindjes, periudhës së Pavarësisë, Luftës Nacional Çlirimtare, terrorit komunist dhe atij të ikonografisë.