29 marzo 2016

Tour Prezantimi i Shqipërise turistike në sytë e agjensive Kroate nga dubrovniku

shqiperiaTIRANË, 28 Mars/ATSH/.- Ambasada e Shqipërisë në Kroaci dhe Agjencia Kombëtare e Turizmit në bashkëpunim me Konsullatën e Nderit të Shqipërisë në Dubrovnik, ka përgatitur një tur familjarizues turistik për zyrtarë dhe agjenci të ndryshme nga rajoni i Dubrovnikut, në periudhën 30 mars – 2 prill 2016, në Shqipëri.
Sipas burimeve nga Agjencia Kombëtare e Turizmit, synimi kryesor është njohja e partnerëve nga Kroacia mbi mundësitë që ofron Shqipëria turistike, si edhe rritja e bashkëpunimit në sektorin e turizmit ndërmjet dy vendeve në përgjithësi, dhe ndërmjet agjencive dhe subjekteve nga Shqipëria dhe Dubrovniku që operojnë në fushën e turizmit në veçanti.
Pjesëmarrës në këtë udhëtim do të jenë përfaqësues të agjencive turistike, drejtues vendorë nga bashkia dhe prefektura e Dubrovnikut, përfaqësues të bordit të turizmit të Dubrovnikut, gazetarë, etj.
Gjatë ditëve të turit, miqtë nga Dubrovniku do të vizitojnë Tiranën dhe pika turistike nga veriu në jug të Shqipërisë, si Shkodrën, Krujën, Beratin, Vlorën, bregdetin e Jonit, etj. Gjithashtu, gjatë ditëve të turit do të organizohet në Tiranë një tryezë e përbashkët midis Agjencisë Kombëtare të Turizmit të Shqipërisë dhe Bordit të Turizmit të Dubrovnikut, si edhe operatorëve të ndryshëm turistikë nga dy vendet./a.gjonaj//m.mhttp://www.ata.gov.al/shqiperia-turistike-ne-syte-e-kroacise-392624.html

Nessun commento:

Posta un commento

Search

Translate