TIRANË, 30 Prill / ATSH / – Në prag të nisjes së sezonit turistik, Bashkia e Orikumit ka organizuar një takim me përfaqësuesit e bizneseve të zonës, si dhe me ata të drejtorisë se policisë së rendit, asaj pyjore dhe prefekturës, për masat që duhen marrë për këtë sezon që do të çelet së shpejti.
Takimi u fokusua te përmirësimi i kushteve të plazheve, rrugëve, turizmit, si atë detar, por dhe malor. Në këtë takim, nga bizneset e zonës u ngritën shumë probleme, të cilat janë shqetësuese jo vetëm për turistët, por dhe per banorët e zonës.
Një shqetësim i përbashkët ishte rruga e plazhit e po ashtu mungesa e energjisë elektrike për shkak të linjave të amortizuara në të gjithë zonën.
Takimi u përqendrua edhe tek zjarret dhe masat që duhet të marrë Drejtoria e Pyjeve së bashku me zjarrfikesit, pasi në këtë bashki zjarret kanë qenë shkatërruese për pyjet. 
Bashkia e Orikumit është një nga bashkitë që në juridiksionin e saj, përveç turizmit detar dhe malor, ka edhe shumë zona turistike të cilat janë shumë të vizitueshme për turistët dhe kjo ka qënë një nga kërkesat e operatorëve turistikë, që parku i Orikumit, i cili kalon nëpërmjet bazës së Pashalimanit, të jetë i aksesueshëm për turistët. /a.ke/http://www.ata.gov.al/orikumi-ne-prag-te-sezonit-turistik-257819.html
Nessun commento:
Posta un commento