TIRANË, 30 Prill / ATSH / – Kur flasim për turizmin malor, nuk mund të anashkalojmë Razmën. Ajo është një ndër pikat turistike më atraktive dhe ndodhet jo shumë larg qytetit të Shkodrës. Zona e Razmës është rreth 900 m mbi nivelin e detit. Kjo është shumë e përshtatshme për zhvillimin e turizmit malor veror dhe dimëror.
Historikisht kjo zonë ka qenë bjeshka për verim e zonës përreth fshatit Vrith dhe është shfrytëzuar edhe nga shumë tregtarë nga qyteti i Shkodrës. Një nga vendet e bukura malore të Shqipërisë, e cila është zbuluar që në shek. XIX nga të huajt. Të parët që e kanë vlerësuar bukurinë dhe pasurinë e saj natyrore ishin botanisti italian Antonio Baldoci, austriaku Dofler dhe gjeologu Boran Nopçe.
Rreth viteve 1920 filloi të shfrytëzohet nga barinjtë për stane verore dhe me rritjen e standardeve të jetesës, tregtarët shkodranë ndërtuan atje shtëpitë e tyre verore. Në vitin 1953 kjo zonë u shtetëzua dhe u krijua kampi i
pushimit të punëtorëve, i cili zgjati aktivitetin e vet deri në vitin 1990. Gjatë kësaj periudhe zona është shfrytëzuar si kamp pushimi veror për punëtorë dhe si pikë ekskursionesh për periudhën dimërore.
Rreth viteve 1920 filloi të shfrytëzohet nga barinjtë për stane verore dhe me rritjen e standardeve të jetesës, tregtarët shkodranë ndërtuan atje shtëpitë e tyre verore. Në vitin 1953 kjo zonë u shtetëzua dhe u krijua kampi i
pushimit të punëtorëve, i cili zgjati aktivitetin e vet deri në vitin 1990. Gjatë kësaj periudhe zona është shfrytëzuar si kamp pushimi veror për punëtorë dhe si pikë ekskursionesh për periudhën dimërore.
Zona turistike e Razmës, në ndryshim prej zonave tjera turistike të alpeve, shtrihet mbi një pllajë, e cila paraqet kontraste befasuese në reliev, mes majave piramidale në pjesën më të madhe të pyllëzuara dhe gropave karstike, akullnajoro-karstike të mbuluara nga kullotat alpine. Razma ka vizitorë të shumtë që mbërrijnë nga zonat rreth saj, por edhe ata nga Tirana, Durrësi e qytete të tjera të vendit. Tashmë ditët e nxehta të pragverës kanë trokitur dhe destinacionet më të preferuara janë pikat me natyrë të gjelbër si Razma. /a.ke/http://www.ata.gov.al/razmanje-ftese-per-ditet-e-nxehta-te-veres-257672.html
Nessun commento:
Posta un commento