Shqipëria vleresohet si një destinacion tërheqës dhe me kosto të ulët

By Nikolla Lena

Posted on 13:44 - 24 Nëntor 2016

TIRANË, 24 Nëntor / ATSH / – Në udhëtimin e tij, David Farley, një shkrimtar udhëtimesh me qendër në Berlin dhe Nju Jork, në një shkrim special dedikuar Shqipërisë,  e përshkruan Shqipërinë si një nga kombet e vjetra të Europës, një ish- shtet komunist, i lirë e tërheqës.

“Tirana, kryeqyteti i saj, mund të kthehet fare mirë në një destinacion të ri për pushimet. Shqipëria, sikundër edhe më parë vende si Kroacia, Sllovenia, Bullgaria apo Rumania, synon të anëtarësohet në BE. Ka shumë amerikanë që nuk mund ta gjejnë këtë vend në hartë, por ka shumë arsye se përse duhet të vizitohet”, shkruan ai.

Për fillestarët, Shqipëria është një vend i admirueshëm, qe gjendet në Europë. Ka shumë plazhe të pazbuluara dhe peisazhe malore. Në të ka edhe statuja të George W.Bush dhe Hillary Clinton”, thekson Farley.

Farley nuk lë pa përmendur gjatë shkrimit edhe kryeministrin e vendit, Edi Rama, të cilin ai e quan artist të kthyer në politikan, fama e të cilit i ka kaluar kufijtë që në kohën kur ishte kryetar bashkie, me idetë e tij artistike të bera realitet. Këtu përmend pallatet me ngjyra, projekte të kohës së Ramës kur ishte në krye të Tiranës.

Tiranën ai e quan disi të ngjashme me Romën. “Duke shëtitur nëpër rrugët e Tiranës kam menduar se i ngjan pak Romës. Rrugët, godinat janë pak a shumë të stilit Italian të viteve 1920″.

Por, në qender, të rinjtë duket se kanë “rimarrë” qytetin, veçanërisht në zonën e quajtur blloku. Me vështirësi gjeta një restorant qe shërbente ushqime që ishin të gatuara me stil tradicional dhe kuptova se shqiptarët ende besojnë se gjërat e huaja janë më të mira. Nëse ka diçka që njihet si tipike shqiptarë është byreku apo bakllavaja, por në fakt janë me ndikim turk”, thote  ai.

“Provova diçka 100% shqiptare dhe kuptova se e ardhmja e vendit mund të jetë me e mirë” , përfundon shkrimtari. /a.ke/

https://www.ata.gov.al/shqiperia-vleresohet-si-nje-destinacion-terheqes-dhe-me-kosto-te-ulet/

‘Lonely Planet’ promovon Bunk’Art 2, Rama: Pikë referimi e turizmit botëror

By Almarina Gegvataj

Posted on 17:23 - 25 Nëntor 2016

TIRANE, 25 Nentor/ATSH/-Agjencia e njohur në promovimin e turizmit në botë, “Lonely Planet” i ka kushtuar një artikull të gjatë hapjes së muzeut Bunk’art2  në Tiranë, duke e cilësuar si një muze që hedh dritë mbi persekutimin politik të epokës komuniste shqiptare.

“Ky bunker topsekret, i ndërtuar ndërmjet viteve 81’- 86’, kishte për qëllim që të bëhej mburojë dhe vend fshehje për zyrtarët e lartë të Ministrisë së Brendshme, në rast të një sulmi bërthamor. Tashmë ai dokumenton foto dhe histori që tregojnë për persekutimin politik. Muzeumi është krijuar gjithashtu edhe si një memorial për të nderuar mijëra persona që u burgosën dhe u ekzekutuan nga regjimi komunist.”- shkruhet në artikullin e “Lonely Planet”.

Kryeministri Edi Rama ka publikuar në faqen e tij në ‘Facebook’ artikullin që i kushtohet “Bunk’Art 2” në “Lonely Planet”, ku shkruan se kur ekspozohet e shkuara përveçse për të kuptuar historisë kontribuon edhe për ekonominë, përmes turizmit.

“Tregojani të keqkuptuarve dhe “përplasjani” në fytyrë keqdashësve.
Ja se si kur ekspozohet, e shkuara përveçse për të kuptuar historisë kontribuon edhe për ekonominë, përmes turizmit. Nga LONELY PLANET, pikë referimi e turizmit botëror”- shkruan Rama.

Shkrimi i plote në ‘Lonely Planet’
Një bunker antibërthamor i shndërruar në muze është hapur këtë të shtunë në Tiranë i cili hedh dritë mbi persekutimin politik të kundërshtarëve të regjimit komunist gjatë viteve kur udhëhiqte Enver Hoxha.

Ku bunker sekret u ndërtua në mes viteve 1981-1986 dhe ka shërbyer si një strehim të zyrtarët e lartë të ministrisë së brendshme në rast të një sulmi bërthamor. Tashmë ky muze dokumenton historitë e policisë shqiptare. Në të ekspozohen foto dhe pajisje të përdorura për persekutimin e qytetarëve shqiptarë gjatë gjysmës së dytë të shekullit të 20.

Muzeu i quajtur BunkArt 2 është krijuar si një memorial për mijëra njerëz të cilët janë burgosur dhe ekzekutuar nga regjimi komunist. Qindra bunker janë ndërtuar në të gjithë vendin me urdhër të diktatorit Enver Hoxha. Shqipëria jetoi në izolim të plot duke patur frikën e një pushtimi të mundshëm nga Bashkimi Sovjetik dhe SHBA.

Gjatë viteve të fundit, qeveria shqiptare me kryeministër Edi Ramën ka hapur shumë qendra të periudhës komuniste të hapura për vizitorët. Një prej tyre është edhe ishulli i Sazanit.

Por një tjetër qendër shumë impresionuese është ‘Bunk Art’ një tjetër bunker i ndërtuar në 1970 për të strehuar elitën politike dhe ushtarake. Ai ndodhet në periferi të Tiranës dhe është shndërruar në vitin 2014 në një muze bashkëkohor . E po ashtu në kryeqytet është edhe Shtëpia e gjetheve.

Linku i lajmit: http://www.lonelyplanet.com/news/2016/11/24/communist-era-nuclear-bunker-museum-tirana/

/a.g/

https://www.ata.gov.al/lonely-planet-promovon-bunkart-2-rama-pike-referimi-e-turizmit-boteror/

Grupi amerikan ”Patagonia”, promovon traditën dhe kulturën tepelenase

By Adela Alla

Posted on 11:58 - 21 Nëntor 2016

TEPELENE, 21 Nëntor /ATSH/ – Kompania brand e markës Amerikane “Patagonia” të prodhimit të veshjeve dhe dizajnit, përfshirë ndër 10-shet më të fuqishme të tregut botëror, ka zgjedhur të mbrojë dhe promovojë mjediset shqiptare dhe pikërisht lumin Vjosa si dhe luginën e Bënçës dhe të Kurveleshit në këtë fundjavë.

Nisur nga partneri i tyre shqiptar, Ekoalbania, i cili në bashkëpunim me sektorin e kulturës trashëgimisë dhe turizmit pranë bashkisë, u njoh me vlerat e traditës sonë, të labërisë në përgjithësi dhe Tepelenës në veçanti.

Të ndalur në fshatin Bënçë ku xhiruan dhe klipet për promovimin e zonës në rrjetet më të fuqishme botërore, nuk mund të kalonin pa u përshëndetur me mjeshtrin e këngës labe Golik Jaupi, i cili si çdo herë e mban portën hapur për miqtë që ofrohen në shërbim të vendit dhe komunitetit tepelenas.

Gjatë bisedave mjaft miqësore, Goliku ju shpjegoj atyre artin e këngës labe traditat dhe kulturën, e cila do ti impresiononte, duke e ftuar mjeshtrin në shtetin e tyre të Teksasit,  për t’ja thënë këngës labe që është po aq e lashtë sa vetë jeta e njerëzimit. 

Në këtë bisedë me miqtë tanë amerikan përveçse këtij promovimi te paçmueshëm , dhe dashurisë së madhe për malet , lumenjtë dhe traditat tona, ata premtuan se do të ishin përherë të gatshëm për ti mbrojtur këto mjedise nga shkatërrimi i HEC-eve sikur është përfshirë harta e zonës ,por dhe të financojnë në projekte të cilat kanë qëllimin tonë të përbashkët.

“Le të shpresojmë veç të tjerash që me këta miq të mrekullueshëm të mund të realizojmë disa nga objektivat tona, të cilat kanë në fokus zhvillimin e turizmit kulturës dhe trashëgimisë, e që më pas të sjellë drejtë banorëve atë që do të quhej magjia e ndryshimit të jetës sociale, ekonominë e gjithë zonës tonë”, thekson Bashkia e Tepelenës. /a.g/

https://www.ata.gov.al/grupi-amerikan-patagonia-promovon-traditen-dhe-kulturen-tepelenase/

Nis turizmi i bardhë per kete sezon dimeror 2016/17; Dardha është destinacioni i parë

By Nikolla Lena

Posted on 10:14 - 12 Nëntor 2016

TIRANË, 12 Nëntor / ATSH.N.Lena/  –  Dimri po afron, i ftohti ka nisur, po ashtu dhe reshjet e para të deborës në lartësitë malore.

Dhe në këtë sezon të vitit, njerëzit frekuentojnë destinacionet e bardha.

Dardha me dëborë është një prej vendeve turistike, qe është njohur disi vonë prej turisteve vendas e të huaj, por që vizitohet tanimë në çdo periudhë të vitit.

Dardha është e vetmja pikë e turizmit të bardhë që ofron një pistë të vërtetë  për sportin e skive.

20 kilometra në juglindje të Korçës, në një lartësi gjeografike impresionuese mbi 1300m, është nga të parat lartësi të banuara që prek deborën.

Dardha ofron shumë mundësi sportive për vizitorin e saj si  ecje në mal, sportin e skive, vizitë në banesat e veçanta të  fshatit, gatimitradicional me saç, natyrë dhe ajër të pastër.

Është një nga të paktat vende në Shqipëri  ku kanë mbetur pyje të larta.

Dardha vizitohet edhe për  preference të tjera. Ajo ka qenë  një prej fshatrave më të kamur, për shkak se shumica e dardharëve ishin emigrante në Amerikë dhe element tjetër i mirëqenies së një fshati janë edhe kalldrëmet e shtruara.

Mikepritja gjithashtu zë një vend të rëndësishëm në traditën e këtij fshati, në çdo rrugicë ka kroje e burime uji, të projektuara enkas për ata që vinin të vizitonin Dardhën.

Peisazhi, lakrori tradicional dhe debora,  e bëjnë Dardhën të veçantë.

Për të gjithë ata që thonë me ngulm se nuk ka një pistë skish në Shqipëri, e që për të ushtruar këtë sport shkojnë jashtë kufijve, jo, ekziston në fshatin turistik të Dardhës një pistë modeste, por funksionale.

Vizitorë vendas dhe të huaj, të gjithë janë kureshtarë të zbulojnë magjinë e Dardhës.

Radhitur si një nga destinacionet më të bukura të turizmit malor, ajo është pritëse e përcjellëse e një numri të madh vizitorësh.

Debora e parë ra, fshati turistik i Dardhës ka nisur të “thinjet”prej saj. Turizmi i bardhë nisi. /a.ke/

https://www.ata.gov.al/pas-debores-se-pare-nis-turizmi-i-bardhe-dardha-eshte-destinacioni-i-pare/

Saçi i lakrorit në Voskopojë, gati të presë turistët dimëror

By Nikolla Lena

Posted on 11:14 - 15 Nëntor 2016

TIRANË, 15 Nëntor / ATSH- N.Lena/ –  Voskopoja nuk është e bukur  vetëm në periudhën e verës, por më e bukur dhe piktoreske bëhet në dimër.

Peizazhi vjeshtor i saj, tashmë ia ka lënë vendin të hirtës dimërore pasi dimri tani ka mbërritur atje.

Ka rënë dhe bora e parë. Së shpejti kodrat e buta që e rrethojnë dhe luginat që zbresin ujin dhe borën nga lartësitë, do të zbardhojnë dhe  do të kthehen në pista të rrëshqitshme skishë.

Turistët dhe vizitorët e dimrit do të ngjiten atje për bukuritë natyrore, sportet e borës dhe kuzhinën tepër të veçantë të amvisave voskopojare.

Në dimër funksionon pista e skive dhe zhvillohen gara rajonale.

Në të janë zhvilluar gjithmonë edhe kampionate kombëtare.

Është një nga vendet e rralla ku mund të zhvillohen këto lloje sportesh dimërore, por ende mungon iniciativa për ta zgjeruar dhe çuar më tej turizmin alpin dhe sportin dimëror në Voskopojë.

Megjithatë, hoteleritë janë komode dhe të shumta.

Edhe shumica e shtëpive në Voskopojë,janë kthyer në bujtina për vizitorët dhe turistët e huaj.

Turizmi dimëror pothuaj ka trokitur dhe bujtësit preferojnë dhe një kuzhinë dimërore. Dhe në krye të kësaj kuzhine qendron petaniku i famshëm Korçarë.

Saçet janë meremetuar dhe janë gati ta pjekin. Voskopoja po pret.

/a.g/

https://www.ata.gov.al/saci-i-lakrorit-ne-voskopoje-gati-te-prese-turistet-dimeror/

E njihni? Ejani në Rehovë të zbuloni artin e ”Rrugës së Portave” pjese e qendrave te mbrojtura historike

By Adela Alla

Posted on 17:00 - 17 Nëntor 2016

TIRANE, 17 Nëntor /ATSH/ – Ministria e Kulturës, bashkë me IMK dhe institucionet e tjera të trashëgimisë, është kujdesur që në bazë të vlerave që ruan Rehova, të krijojë një destinacion të veçantë për turistët, atë të “Rrugës së Portave”.

Në një vizitë të zhvilluar disa javë më parë, ministrja Kumbaro vlerësoi këtë detaj të Rehovës dhe ruajtjen që i kanë bërë vendasit trashëgimisë, të cilët kanë mbrojtur këtë veçanti të shtëpive të tyre, pa u tunduar për ta “modernizuar”.

Kumbaro në bisedat me banorët, u shpjegoi atyre se synimi është që edhe për Rehovën të krijohet i njëjti itinerar si Voskopoja, duke i dhënë këtij fshati një jetë të re.

Kisha që gjendet në qendër të Rehovës, është ndërtuar në vitin 1820.

Ikonostasi i saj ndërtuar me kontributet e rehovarëve gjendet sot në Muzeun e Artit Mesjetar në Korçë, si një pjesë e çmuar e koleksionit të artit bizantin

Rehova piktoreske, shtrihet në rrëzë të malit të Gramozit dhe së fundmi me vendim të KKR është shpallur Qendër e mbrojtur Historike.

Fshati i Rehovës është i njohur në të gjithë vendin për artizanatin,mikpritjen ,bukuritë dhe trashëgiminë e pasur ,të ruajtur deri në ditët e sotme.

Propozimi për shpalljen e Qendrës Historike në fshatin Rehovë synon ruajtjen e vlerave historike ,urbanistike e arkitektonike të këtij fshati për ti dhënë një rol të rëndësishëm si një qendër e zhvillimit të turizmit në zonën e Kolonjës.

Në pjesën e vjetër të fshatit Rehovë, një nga gjërat e rralla që vihet re lehtësisht janë portat e shtëpive në rrugët me kalldrëm, të cilat në një pjesë të madhe të tyre ruajnë karakteristikat e punimit nga mjeshtrat rehovarë si dhe kohën kur janë ndërtuar, që daton deri në fillim të shekullit 20.

/a.g/

https://www.ata.gov.al/ejani-ne-rehove-te-zbuloni-artin-e-rruges-se-portave/

Kepi i Rodonit, Kalaja e Skënderbeut dhe një kishëz e vogël, destinacione historik per nje eskursion 1 ditor...

By Nikolla Lena

Posted on 10:06 - 19 Nëntor 2016

TIRANË, 19 Nëntor / ATSH.N. Lena/- Një rrugë e asfaltuar, që kalon bri gjirit të Lalzit, ngjtet kodrave të Shën Gjergjit dhe përfundon pranë kalasë së Rodonit apo Skënderbeut.

Është një destinacion i lehtë turistik, pasi udhëtimi zgjat rreth nje orë po të nisesh nga Tirana. Veç kalasë historike, gjirit detar, aty ndodhet dhe një kishëz e vjetër.

Kepin e Rodonit e njohin të gjithë për bukurinë dhe peisazhin e tij natyroë. Ka një emër Perëndie që nuk dihet se si është trashëguar deri më sot.

Por edhe vet kalaja e ngritur në këtë hundë të dalë detare, ka një histori interesante.

Princi Karl Topia dëshironte ta kthente këtë vend në një kantier detar, ndërsa Skënderbeu, duke synuar që të kishte një dalje të afërt në det, ngriti këtu një kështjellë.

Kjo kalaja filloi të ngrihej mbas rrethimit të parë të Krujës në vitin 1450.

Përfundimi i saj mendohet të jetë rreth vitit 1452.

Muri i kështjellës së Rodionit arrinte në një gjatësi prej 400 metrash dhe në kulmet e saj kishte kulla të rumbullaketa vrojtimi.

Ideja ishte të kishte  një mbrojtje krahësh nga deti.

Në vitin 1500 kalaja u pushtua nga Venediku.
Si rrezultat i veprimtarive abrazive të ujarave të detit, një pjesë e mureve janë zhytur nën ujërat e  Adriatikut.

Sot vizitorët mund të shikojnë muret e jashtme të anës së djathtë, të cilat përfundojnë me një kullë të rrumbullakët tipike të kështjellave mesjetare.

Pranë kalasë ndodhen edhe rrënojat e Kishës së Shën Pjetrit, të cilat konsiderohen nga banorët si vend i shenjtë.

Në drejtim të saj bëhen pelegrinazhe religjoze me besimin te shërimi apo mirësia.

Po kështu, drejt Kepit të Rodonit ka vizitorë në çdo stinë të vitit; ata që bëjnë plazh në stinën e nxehtë dhe ata që pëlqejnë turizmin natyror dhe historik gjat periudhës së ftohtë.

Kepi i Rodonit të ofron një histori të lashtë me vet emrin e tij, historinë mesjetare me kështjellën e rrallë dhe një kishëz e vogël ku mund të kërkosh ndihmën e Zotit. /a.ke/

https://www.ata.gov.al/kepi-i-rodonit-kalaja-e-skenderbeut-dhe-nje-kishez-e-vogel-destinacione-per-turizmin-historik/

Trashëgimia Kulturore bosht zhvillimi, 71 milionë USD financim nga Banka Botërore

By Adela Alla

Posted on 18:00 - 17 Nëntor 2016

TIRANE, 17 Nëntor /ATSH/ – Bordi i Drejtorëve Ekzekutiv të Bankës Botërore kanë aprovuar  një financim prej 71 milionë dollarësh për Projektin e Menaxhimit të Integruar Urban dhe Turizmit në Shqipëri.

Ky projekt do të ndihmojë në hapjen e vendeve të punës, rritjen e të ardhurave dhe do të mbështes zhvillimin e ekonomisë lokale në zona të përcaktuara në jug të Shqipërisë, i njohur si destinacioni kryesor turistik me potencial të jashtëzakonshëm për rritjen ekonomike.

Projekti synon të përmirësojë infrastrukturën urbane, të shtojë vlerën e aseteve si dhe të forcojë kapacitetet e institucioneve për të mbështetur turizmin në nivel lokal.

Përmes lidhjes me sektorë të tjerë, turizmi kontribuon me një të pestën në aktivitetin ekonomik dhe hapjen e vendeve të reja të punës në vend,ndërkohë që pesha e tij direkte në Prodhimin e Brendshëm Bruto ishte 5.9 përqind në 2014.

Aktualisht turizmi mbështet 50.000 vende pune-një numër që pritet të rritet në 200.000 në 2025. Megjithatë ,infrastruktura urbane e papërshtatshme ,mungesa e koordinimit të tregjeve lokale dhe rajonale dhe sezoni i shkurtër i aktivitetit turistik përbëjnë sfida serioze.

Projekti do të përfitojë nga eksperienca dhe ekspertiza globale e Bankës për të mbështetur katër qendra turistike në Jug të Shqipërisë. Këto zona përfshijnë dy qendra të trashëgimisë kulturore të mbrojtura nga UNESCO – Gjirokastrën dhe Beratin, Sarandën (si portë hyrëse e turizmit për rajonin jugor, dhe Butrintin, qendrën e trashëgimisë botërore të mbrojtur nga UNESCO) dhe Përmetin, i cili lidh rrjetin e turizmit të Shqipërisë së Jugut me zemrën e Ballkanit.

Projekti shtrihet në një zonë të populluar nga 84.000 banorë ndërkohë që Jugu i Shqipërisë llogaritet të vizitohet nga 300.000 turistë në vit. Aktivitetet e projektit do të përfshijnë përmirësime urbane dhe infrastrukturore, restaurim të objekteve të trashëgimisë kulturore dhe zhvillimin e produkteve dhe tregut turistik.

Pas këtij lajmi, Mirela Kumbaro është shprehur se tashmë trashëgimia kulturore po krijon një bosht të rëndësishëm të zhvillimit të vendit.

”Gjirokastra, Përmeti, Saranda, Berati me vlerat e tyre kulturore dhe bukuritë natyrore do të jenë përfituesit kryesor të këtij programi të fuqishëm investimi të Bankës Botërore për Shqipërinë,falë projekteve të ngritura tashmë nga qeveria shqiptare ,ku projektet për Trashëgimin Kulturore kanë ndërtuar një bosht të rëndësishëm zhvillimi.Faleminderit për punën profesionale dhe vizionare që përgatiti projektet e Kulturës’‘,-shkruan ajo.

Investimet e projektit do ti bëjnë më tërheqëse këto katër bashki për vizitorët dhe investitorët privat,si dhe do të rrisin mundësitë e njerëzve për më shumë të ardhura.

/a.g/

https://www.ata.gov.al/trashegimia-kulturore-bosht-zhvillimi-71-milione-usd-financim-nga-banka-boterore/

Turizmi malor dimëror 2016-2017 ka nisur, Thethi destinacioni i preferuar edhe pse rruget qe te shpien atje jane te pa kalueshme per makinat normale...

By Nikolla Lena

Posted on 11:46 - 18 Nëntor 2016

TIRANË, 18 Nëntor / ATSH.N.Lena / – Shqipëria mund të krenohet edhe me turizmin malor dimëror, me ato zona që edhe për vet shqiptarët nuk njihet plotësisht, ndoshta për mundësitë e tyre ekonomike  të deritanishme, po  të preferuara tashmë dhe të vlerësuara nga të huajt.

Zona e Thethit në kulm të Shqipërisë konsiderohet për mjaft turistë një nga pjesët më të bukura malore në të gjithë Europën.

Para ca kohësh, një turist çek është shprehur për agjencinë e lajmeve “Rojter” se, “vite më parë kam udhëtuar rreth Alpeve në qendër të Europës, nuk i pëlqej më ato vende, pasi ka shumë turistë. Ne tashmë kërkojmë një natyrë më të pastër dhe këtë e gjejmë në këto male, pasi gjithçka këtu është natyrale.

Dhe ja çfarë pëlqej në Shqipëri, male të bukura, njerëz të pastër dhe natyrë të mrekullueshme”,  shprehet turisti çek.

Turistët preferojnë veç natyrës së bukur e gjelbëruar në stinën e verës dhe e zbardhuar nga debora në dimër, që të lejonë mundësinë e sporteve dimërore dhe aventurat sportive, por ata preferojnë  të hanë ushqimin bio  në natyrë të hapur, të flenë në natyrë edhe pse kjo është diçka e egër  në këtë natyrë të ashper dhe origjinale.

Kjo natyrë malore me gjelbërim dhe deborë sipas stinëve, një shekull më pare tërhoqi vëmëndjen e të famshmes, Edith Durham, e cila ra në dashuri me këto vende malore.

Ajo shkroi edhe një libër në vitin 1909 për natyrën, psikologjinë, mënyrën e jetesës dhe historinë e kësaj zone dhe kryesishë të zonës së Shalës dhe Thethit. Kullat e egra dhe mistike, për botën e saj, u bënë dhe personazhe për librat që shkroi.

Sot, kullat e Thethit janë modernizuar nga vet pronarët e tyre dhe të një ndihme simbolike nga investitorët gjermanë, megjithatë, ato kulla ruajnë ende origjinalitetin e tyre.

Është fakt tashmë se kjo zonë po kthehet në një qëndër për turizmin malor natyror dhe kulturor.

Po kështu, me fitimet e veta biznesi vendas po investon në turizëm dhe po bëhet gjithnjë e më shumë i kërkuar si një destinacion për të huajt që janë të dhënë pas turizmit malor.

Lugina e Thethit, me pamjen përballë alpeve shqiptare,  e rrethuar nga një kurorë malesh  me lartësi mbi 2500 m, një nga zonat më të veçanta të këtyre Alpeve, e shndërron  atë dhe Shqipërinë në një vend potencialisht të fuqishëm për turizmin malor në të gjitha stinët.

Madhështia e natyrës së paprekur që të ofron kjo zonë, nis me praninë e pyjeve të dendura dhe kullave historike. Fshatrat e kësaj zone shtrihen në të dy anët e lumit nga Okoli deri në Grunas, ku spikasin shtëpitë karakteristike që të gërshetuara me sfondin alpin, krijojnë një peisazh mahnitës.

Akomodimi dhe kuzhina, në këtë pikë gjendet në të gjitha format, që nga ushqimi natyral dhe i thjeshtë i shtëpisë, e deri tek pjatat më të sofistikuara të kuzhinave ndërkombëtare.

Janë vendasit që kanë punuar si emigrante në vende të huaja dhe që veç parave për investime, kanë sjelle edhe kulturën bashkëkohore botërore.

Shtëpitë e banorëve të veriut, e sidomos të Alpeve, kanë hapur dyert për vizitorët e atjeshëm, duke mos e lënë aventurën vetëm në dorën e kampingjeve, ndërsa në zonat e tjera të Shqipërisë, mund të gjendet komoditeti i vërtetë nëpër fshatra turistikë, hotelet dhe komplekset e ndryshme, të cilët duke qenë në fazën fillestare të investimit, kanë vendosur të ofrojnë cilësinë më të lartë të shërbimit standard.

Debora tashmë ka rënë në këto lartësi dhe ato janë zbardhur. Po kështu, janë ngjitur dhe turistët e parë që mbërrijnë kryesisht ngë vendet e Evropës Lindore. /a.ke/

https://www.ata.gov.al/turizmi-malor-dimeror-ka-nisurthethi-destinacioni-i-preferuar/ 

Welcome to Berat, time to visit Albania with your Guest

Në Dhomën e Lordëve të Parlamentit Britanik u mbajt aktiviteti “Arritjet dhe e ardhmja e industrisë turizmit në Shqipëri”

Nga Gjergji Mima

Postuar me 11:50 - 10 Nëntor 2016

TIRANË, 10 Nëntor /ATSH/ – Në Dhomën e Lordëve të Parlamentit Britanik u mbajt aktiviteti “Arritjet dhe e ardhmja e industrisë turizmit në Shqipëri”.

Takimi i mbajt fal kontributin 16-vjeçar të anëtarëve të Dhomës të Tregtisë dhe Industrisë Shqipëri – Britani e Madhe, të Lord Watson of Richmond, i cili ka në patronazh Dhomën prej gati 10 vjetësh, të John Grogan si President Nderi i Dhomës, të Patrick Strong, drejtor i Dhomës

“Të martën u mbajt aktiviteti më i rëndësishëm në histori, për industrinë e turizmit shqiptar në Britani të Madhe”.  Ky është përkufizimi i këtij takimi nga Dhoma Shqiptaro-Britanike që suksesin e takimit e lidh ngushtë me kontributin 16-vjeçar të anëtarëve të Dhomës të Tregtisë dhe Industrisë Shqipëri – Britani e Madhe, të Lord Watson of Richmond, i cili ka në patronazh Dhomën prej gati 10 vjetësh, të John Grogan si President Nderi i Dhomës, të Patrick Strong, drejtor i Dhomës, të stafit të përkushtuar në vite, në punën e tyre të përditshme, pa u lodhur.

Kjo arritje për vendin tonë dhe posaçërisht, për të ardhmen e turizmit shqiptar u bë e mundur në saj të bashkëpunimit të ngushtë me Agjencinë Kombëtare të Turizmit, drejtorit të saj Ardit Çollaku, me ambasadorin e Shqipërisë në Londër, Qirjako Qirko dhe stafin e tij, me atmosferën shumë bashkëpunuese në ministrinë e Ekonomisë, Turizmit nën drejtimin e Milva Ekonomi.

Dhoma e Tregtisë, Shqipëri- Britani e Madhe bashkëpunon ngushtë me institucione shtetërore, organizata partnere, në Shqipëri, Britani të Madhe si edhe nga vendeve të tjera. Me këtë rast dëshiroj të shpreh mirënjohjen e thellë për të gjithë lartë-përmendurit si edhe pjesëmarrësit e tjerë ne takim: si Lord Harrison, Lord Bowness, Lord Maclennan, Madelene Moon, Kryetare e grupit të miqësisë me Shqipërinë në Parlamentin Britanik, deputetin Ëayne David, përfaqësues të ambasadës të Kosovës në Londër , Elmaze Pireva,nga British Ekspertizë-Nigel Peters, Dhomat të tjera bilaterale në Londër, Shoqata Shqiptare – Britanike e avokateve, Brikena Muharremi -kryetare,investitorë britanike si John Palmer, Chaitanya Joshi, Ravirand Goonesena, Keith Reynolds, Derek Driver, Jaideep Mazmudar, Francoise Bernardon,Ibde, CFCC, përfaqësues nga komuniteti shqiptar intelektualet: Xhafer Krasniqi, Lavdrim Krrashi, Anton dhe Yllka Gjeta, Tony Kacubaj, Alban Bytyçi, Renis Gjoka, Alfred Kovaçi, Fiona Krasniqi, Adri Loloçi, Alba Peposhi etj”- thekson në deklaratën e tij, Presidenti i Dhomës Shqiptaro-Britanike, Zenel Hoxha.

Ky aktivitet, u organizua nga Dhoma e Tregtisë dhe Industrisë Shqipëri -Britani e Madhe në bashkëpunim të ngushtë me Agjencinë Kombëtare të Turizmit, ministrinë e Ekonomisë, Turizmit dhe sipërmarrjes, ambasadën e Shqipërisë në Londër, nen Kujdesin direkt te Lord Ëatson. Sipas deklaratës së Dhomës Shqiptaro-Britanike, në këtë aktivitet morën pjesë investitorë britanikë, operatorë turistike nga Shqipëria dhe Britania e Madhe, biznesmenë shqiptarë që punojnë dhe jetojnë në Britani të Madhe. Shqipëria mori pjesë në Ekspozitën e udhëtimeve dhe investimeve turistike në Exel Exhibition Centre( WTM), më madhja në botë e këtij lloji.

“Stenda shqiptare në këtë ekspozite ishte organizuar si asnjëherë tjetër në këto 15 vite. Ajo është vizituar nga qindra pjesëmarrës dhe vizitorë. Komentet për turizmin shqiptar janë nga më të mirat, duke e konsideruar, vlerësuar vendin tonë si destinacioni bashkëkohor me interesanti në Europë. Operatoret tanë pjesëmarrës në ekspozitë kane prezantuar me profesionalizëm shërbimet e tyre, duke i bërë kështu një jehonë të madhe Shqipërisë turistike. Për këtë kanë meritë të gjithë institucionet e lartpërmendura, por dua të veçoj angazhimin profesional të Agjencisë Kombëtare të Turizmit dhe drejtuesit e saj, të cilët po shpalosin aftësi profesionale, bashkëpunuese, me efekte të drejtpërdrejta si në cilësinë e pjesëmarrjes, po ashtu edhe të marketimit të Shqipërisë në këtë Ekspozite (ËTM). Aktiviteti në Dhomën e Lordëve si edhe pjesëmarrja e Shqipërisë ne ekspozitën e udhëtimeve ne Londër( WTM), konsiderohet si ngjarje e rëndësishme me shume efekte pozitive për te ardhmen e industrisë turizmit në vendin tonë”, përfundon deklaratën e tij Presidenti i Dhomës Shqiptaro-Britanike Zenel Hoxha. /gj.m/f.n/

https://www.ata.gov.al/ne-dhomen-e-lordeve-te-parlamentit-britanik-mbahet-aktiviteti-arritjet-dhe-e-ardhmja-e-industrise-turizmit-ne-shqiperi/

Dëbora e parë sjell edhe vizitorët e parë në malin e Korabit

Nga Nikolla Lena

Postuar me 11:03 - 11 Nëntor 2016

TIRANË, 11 Nëntor / ATSH / – Korabi është një nga malet më të larta të Evropës Juglindore, i cili shtrihet përgjatë kufirit të Shqipërisë dhe Maqedonisë.

Vend i pasur me bukuri të rralla natyrore, me gurë, shkëmbinj dhe kullota të vjetra, të cilat vizitohen nga shoqata të shumta alpinistësh që arrijnë të ngjiten deri në majën e saj, e cila ka lartësinë 2764 m.

Nga ana e Maqedonisë mund të udhëtohet deri në fshatrat e Rekës duke udhëtuar nga Gostivari.

Vargmali i Korabit shtrihet mbi 40 kilometra në drejtimin veri-jug midis pjesës së poshtme të Drinit të Zi dhe saj kontribues Radika.

Ajo është e vendosur rreth trekëndëshit kufitar të Shqipërisë, Maqedonisë dhe Kosovës, në jug-perëndim të maleve të Sharrit.

Në anën perëndimore, mali bie thikë mbi muret shkëmbore. Ana veriore përbëhet nga shkëmbinj të thepisur.

Një disa qindra metra në jug është një tjetër majë, maja e Moravës, e cila është 2718 metra.

Klima është alpine dhe përfshin disa elemente të florës alpine. Mali i Korabit është i pasur  me  ujvara spektakolare në luginën e sipërme të lumit.

Tëshmë ka nisur periudha dimërore në këto lartësi dhe vizitorët e parë të deborës, ata që pëlqejnë skitë dhe ngjitjet alpine, kanë mbërritur. /a.ke/

https://www.ata.gov.al/debora-e-pare-sjell-edhe-vizitoret-e-pare-ne-malin-e-korabit/